Bæjarráð

Farið yfir stöðu framkvæmda- og viðhaldsverkefna á árinu 2021 með tilliti til áætlana.

Framlagt minnisblað atvinnu- og þróunarstjóra um uppbyggingu áfangastaða ferðamanna í Fjarðabyggð.
Vísað til menningar- og nýsköpunarnefndar til afgreiðslu. Bæjarráð felur bæjarstjóra ásamt starfsmönnum að ljúka við þá áfanga sem sótt hefur verið um og opnir eru sumarið 2021 ásamt lokaskilum til Framkvæmdasjóðs ferðamannastaða.

Lögð fram drög að umsókn um 64 milljóna króna lán úr Ofanflóðasjóði vegna framkvæmda á árinu 2020. Í fjárhagsáætlun ársins 2021 er gert ráð fyrir lántöku vegna þessa að fjárhæð 30 milljónir króna.
Bæjarráð samþykkir að sótt verði um lán til Ofanflóðasjóðs sbr. framlagða tillögu.

Framlagt bréf frá Samgöngu- og sveitarstjórnarráðherra þar sem óskað er eftir upplýsingum um fjármál sveitarfélaga vegna þeirra aðstæðna sem verið hafa í samfélaginu síðasta árið. Óskað er eftir að fjárhagsáætlanir með viðaukum verði sendar ráðuneytinu eigi síðar en 1.júní.
Fjármálastjóra falið að vinna upplýsingar og senda til ráðuneytisins.

Framlagður samningur um breytingu á viðauka lánasamnings við Íslandsbanka frá árinu 2011, upphaflega að fjárhæð 182.420.673 þar sem felld eru niður sérstök ákvæði um kvaðir í lánasamningnum um skuldaviðmið og hlutfall veltufjár frá rekstri.
Bæjarráð samþykkir viðaukann fyrir sitt leyti og vísar afgreiðslu hans til bæjarstjórnar.

Framlagður samningur um breytingu á viðauka lánasamnings við Íslandsbanka frá árinu 2011, upphaflega að fjárhæð 360.000.000 kr. þar sem felld eru niður sérstök ákvæði um kvaðir í lánasamningnum um skuldaviðmið og hlutfall veltufjár frá rekstri.
Bæjarráð samþykkir viðaukann fyrir sitt leyti og vísar afgreiðslu hans til bæjarstjórnar.

Framlagður samningur um breytingu á viðauka lánasamnings við Íslandsbanka frá árinu 2013, upphaflega að fjárhæð 200.000.000 kr. þar sem felld eru niður sérstök ákvæði um kvaðir í lánasamningnum um skuldaviðmið og hlutfall veltufjár frá rekstri.
Bæjarráð samþykkir viðaukann fyrir sitt leyti og vísar afgreiðslu hans til bæjarstjórnar.

Framlagður samningur um breytingu á viðauka lánasamnings við Íslandsbanka frá árinu 2017, upphaflega að fjárhæð 400.000.000 kr. þar sem felld eru niður sérstök ákvæði um kvaðir í lánasamningnum um skuldaviðmið og hlutfall veltufjár frá rekstri.
Bæjarráð samþykkir viðaukann fyrir sitt leyti og vísar afgreiðslu hans til bæjarstjórnar.

Framlagður samningur um breytingu á viðauka lánasamnings við Íslandsbanka frá árinu 2015, upphaflega að fjárhæð 360.000.000 kr. þar sem felld eru niður sérstök ákvæði um kvaðir í lánasmaningnum um skuldaviðmið og hlutfall veltufjár frá rekstri.
Bæjarráð samþykkir viðaukann fyrir sitt leyti og vísar afgreiðslu hans til bæjarstjórnar.

Framlagt erindi Gísla Birgis Gílslasonar f.h. Bílaklúbbs Austurlands, er varðar afnot af Fjarðabyggðarhöllinni fyrir bílasýningu sumarið 2021. Einnig er lagt fram minnisblað fasteigna- og framkvæmdafulltrúa.
Ekki er hægt að nýta höllina til sýningar bifreiða án gólfs sem hannað er til að bera tækin. Bæjarráð vísar erindi til afgreiðslu fasteigna- og framkvæmdafulltrúa til úrvinnslu.

Umræða um rekstur og fjármál hjúkrunarheimila í Fjarðabyggð í aðdraganda yfirtökum Heilbrigðisstofnunar Austurlands á rekstri þeirra 1. maí 2021.
Bæjarráð felur fjármálastjóra að vinna ásamt framkvæmdastjóra hjúkrunarheimilanna að lokaskilum vegna yfirtöku Heilbrigðisstofnunar Austurlands á rekstrinum 1. maí 2021.

Fundargerð stjórnarfundar Náttúrustofu Austurlands frá 16. apríl sl. lögð fram til kynningar.

Stjórnskipunar- og eftirlitsnefnd Alþingis sendir til umsagnar frumvarp til laga um breytingu á lögum um fjármál stjórnmálasamtaka og frambjóðenda og um upplýsingaskyldu þeirra, nr. 162/2006 (gagnsæi, skráning og vinnsla persónuupplýsinga), 668. mál. Ef veita á umsögn þarf hún að berast eigi síðar en 12. maí nk. - https://www.althingi.is/altext/151/s/1137.html

Framlagt fundarboð aðalfundar Starfsendurhæfingar Austurlands sem boðaður er 28. apríl nk.
Bæjarráð samþykkir að fulltrúi fjölskyldusviðs fari með umboð Fjarðabyggðar á aðalfundinum í samráði við sviðsstjóra fjölskyldusviðs.

Fundargerð hafnarstjórnar nr. 261 frá 21. apríl sl. lögð fram til afgreiðslu.