Bæjarráð

Farið yfir stöðu mála er varðar undirbúning starfsemi háskólaútibús á Austurlandi. Fyrir liggur að komið sé fjármagn frá Mennta- og menningarmálaráðneytinu til að hefja starfsemi útbús á Reyðarfirði á hausti komandi.
Bæjarráð fagnar þeim áfanga að komin sé hreyfing á málið og mun styðja við starfsemi háskólaútibúsins eins og kostur er.

Framlagt bréf Emils K. Thorarensen frá 19. apríl en í því býður hann Fjarðabyggð til sölu óskipulagða lóð sem er staðsett ofan Norðfjarðarvegar í Eskifirði.
Bæjarráð samþykkir að fela fjármálastjóra að hefja viðræður við lóðarhafa um kaup á lóðinni.

Vísað frá eigna-, skipulags- og umhverfisnefnd lóðarumsókn Patreks Trostans Stefánssonar þar sem sótt er um lóð undir einbýlishús á lóðinni við Brekkugerði 1 á Reyðarfirði.
Bæjarráð samþykkir að úthluta lóðinni.

Lagður fram til kynningar undirritaður samningur sveitarfélaganna Fjarðabyggðar, Fljótsdalshrepps, Múlaþings og Vopnafjarðarhrepps, um breytingar á samningi um Skólaskrifstofu Austurlands.
Bæjarráð staðfestir samninginn og vísar honum til staðfestingar bæjarstjórnar.

Framlagt erindi starfsmanna bókasafnanna í Fjarðabyggð er varðar starfsemi safnanna.
Bæjarráð vísar erindi til afgreiðslu forstöðumanns safnastofnunar og bæjarritara.

Fundargerð stjórnar samtaka orkusveitafélaga frá 16. apríl lögð fram til kynningar.

Framlagður tölvupóstur Hjördísar Helgu Seljan Þóroddsdóttur um að hún muni taka leyfi frá störfum í bæjarstjórn næstu þrjá mánuði eða frá 15. maí til 15. ágúst.
Magni Þór Harðarson mun taka sæti hennar í bæjarstjórn.

Fundargerð eigna- skipulags- og umhverfisnefndar nr. 287 lögð fram til umfjöllunar.