Bæjarráð

Farið yfir undirbúning vegna fjárhagsáætlunar 2022 fyrir málaflokka sem heyra undir bæjarráð, slökkvilið, sameiginlegan kostnað, atvinnumál og fjármagnsliði.
Tekið fyrir að nýju í bæjarráði.

Framlagt bréf Hansínu H. Jóhannesdóttur þar sem óskað er lækkunar á gjaldi vegna lagningar ljósleiðara að býlinu Stöð í Stöðvarfirði.
Vísað til skoðunar bæjarstjóra og bæjarritara.

Lagt fram bréf frá Samgöngu- og sveitarstjórnarráðuneytinu um álagningu vatnsgjalda og formlega umfjöllun um gjaldskrár vatnsveitna.
Vísað til fjármálastjóra til svara og bæjarráðs að nýju til umfjöllunar.

Lagt fram bréf Lögreglustjórans á Austurlandi er varðar nýtt skipulag almannavarna. Óskað er eftir tilnefningum á aðal- og varamanni í vinnuhóp Fjarðabyggðar fyrir 15. júní nk.
Bæjarráð frestar afgreiðslu og felur bæjarstjóra málið til skoðunar.

Vísað frá eigna-, skipulags- og umhverfisnefnd til afgreiðslu bæjarráðs, stofnun lóðar undir spennistöð í landi Sigmundarhúsa. Fyrirhugað er að rafvæða með landtengingu sjókvíar fyrirtækisins úti fyrir ströndinni, sbr. bréf Laxa Fiskeldis ehf., dagsett 26. mars 2020.
Bæjarráð samþykkir að lóð í landi Sigmundarhúsa verði stofnuð og felur umhverfis- og skipulagssviði að vinna að stofnun lóðarinnar.

Framlagt bréf Listasmiðju Norðfjarðar þar sem sótt er um styrk til geiðslu faseignaskatts vegna Þiljuvalla 11 í Neskaupstað í samræmi við reglur Fjarðabyggðar um styrkveitingar til greiðslu fasteignaskatts.
Bæjarráð samþykkir að veita styrk samkvæmt reglum.

Framlagt yfirlit yfir dagskrá aðalfundar Sambands sveitarfélaga á Austurlandi og ársfundar Austurbrúar 3. júní nk.

Framlögð fundargerð menningar- og nýsköpunarnefndar frá 17. maí sl. til afgreiðslu.

Fundargerð eigna-, skipulags- og umhverfisnefndar frá 25. maí sl. lögð fram til afgreiðslu.

Fundargerð hafnarstjórnar frá 28. maí sl. lögð fram til afgreiðslu.

Fundargerð barnaverndarnefndar nr. 130 frá 26. maí sl. lögð fram til afgreiðslu.