Bæjarráð

Framhald umræðu frá síðasta fundi um undirbúning að fjárhagsáætlun 2022 fyrir þá málaflokka sem heyra beint undir bæjarráð, slökkvilið, sameiginlegan kostnað, atvinnumál og fjármagnsliði. Vísað til fjárhagsáætlunargerðar 2022.

Framlagt kauptilboð í Skólaveg 42 á Fáskrúðsfirði.
Bæjarráð samþykkir að taka ekki tilboði.

Tekið fyrir að nýju erindi Bríetar leigufélags um eignir Fjarðabyggðar.
Bæjarráð samþykkir forsendur og felur fjármálastjóra að vinna málið áfram.

Lagt fram til kynningar bréf forsætisráðherra og formanns sambandsins er varðar aðgerðaáætlun um forvarnir meðal barna og ungmenna gegn kynferðislegu og kynbundnu ofbeldi og áreitni.
Vísað til fjölskyldusviðs og umfjöllunar í fræðslunefnd, félagsmálanefnd, barnaverndarnefnd.

Framlögð fundargerð upplýsingaöryggisnefndar nr. 7 frá 1. júní.
Bæjarráð samþykkir breytingu á skipan nefndarinnar að tillögu hennar. Stjórnandi barnaverndar og félagsþjónustu tekur sæti í stað stjórnanda forvarnar- og stuðningsmála.

Fundargerð stjórnar sambandsins frá 28.maí lögð fram til kynningar.

Fundargerð 36. landsþings Sambands íslenskra sveitarfélaga lögð fram til kynningar.