Bæjarráð

Framlögð drög að útboðsgögnum vegna útboðs vátrygginga Fjarðabyggðar og stofnana. Bæjarráð samþykkir drögin og felur fjármálastjóra og bæjarritara að hefja útboðsferil.

Lagðar fram til samþykktar endurskoðaðar reglur um fjarvistir. Bæjarráð samþykkir reglurnar í umboði bæjarstjórnar.

Lögð fram til upplýsinga ákvörðun samgöngu- og sveitarstjórnarráðherra til að tryggja starfhæfi sveitarstjóran og auðvelda ákvarðanatöku við stjórn sveitarfélaga.

Lagt fram minnisblað mannauðsstjóra um aðild Fjarðabyggðar að jafnvægisvog FKA (Félags kvenna i atvinnurekstri). Bæjarráð samþykkir að sveitarfélagið gerist aðili að jafnvægisvog FKA og felur mannauðsstjóra að hefja það ferli.

Framlagt sem hluti af áhættumati í rekstri upplýsingatæknikerfa sem úrbótaverkefni sem komu fram við endurskoðun kerfisins. Úrbætur hafa verið skilgreindar sem unnið verður að haustið 2021. Skjalið er lagt fram sem trúnaðarmál. Í umboði bæjarstjórnar samþykkir bæjarráð framlögð atriði, sem hluta af áhættumati í rekstri upplýsingatæknikerfa.

Framlagðar endurskoðaðar öryggiskröfur og öryggisráðstafanir vegna reksturs upplýsingakerfa Fjarðabyggðar. Bæjarráð samþykkir öryggiskröfur og öryggisráðstafanir vegna reksturs upplýsingakerfa Fjarðabyggðar í umboði bæjarstjórnar.

Erindi Einars Þorvarðarsonar er varðar Búðarárfosshvamminn á Reyðarfirði og ágengni lúpínu við Búðarárgilið. Bæjarráð tekur undir með bréfritara um ágengni lúpínunnar víða í sveitarfélaginu og vísar málinu til vinnslu umhverfisstjóra og eigna-, skipulags-, og umhverfisnefndar.

Fundargerð eigna- skipulags- og umhverfisnefndar frá 22.júlí, lögð fram og staðfest í umboði bæjarstjórnar.