Bæjarráð

Framlagðar endurskoðaðar reglur um viðbrögð við áreitni og einelti á vinnustöðum sveitarfélagsins. Reglurnar hafa verið uppfærðar og aðlagaðar.
Bæjarráð samþykkir uppfærslu á reglunum fyrir sitt leyti og vísar til afgreiðslu bæjarstjórnar.

Samkvæmt 46.gr. samþykkta um stjórn Fjarðabyggðar og fundarsköp bæjarstjórnar, annast bæjarráð í umboði bæjarstjórnar, gerð kjörskrár, fjallar um athugasemdir við kjörskrár, gerir nauðsynlegar leiðréttingar og afgreiðir ágreiningsmál í samræmi við ákvæði laga um kosningar.
Bæjarráð felur bæjarstjóra að semja kjörskrá vegna væntanlegra Alþingiskosninga þann 25. september 2021. Jafnframt veitir bæjarráð bæjarstjóra, fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem kunna að koma fram að kjördegi vegna Alþingiskosninga þann 25. september 2021. Bæjarstjóri getur ávallt vísað úrskurðum um ágreiningsmál til bæjarráðs.

Framlögð skipting á kostnaði sveitarfélaganna við almannavarnir á Austurlandi.
Bæjarráð samþykkir kostnaðinn og óskar eftir að fá á fund bæjarráðs lögreglustjórann á Austurlandi.

Fram lögð drög að nýjum samningi um rekstur handverkshúss og gestastofu í Salhúsmarkaðinum, Samkomuhúsi Stöðvarfjarðar fyrir árin 2022 og 2025.
Bæjarráð samþykkir samninginn í samræmi við umræðu á fundinum og felur bæjarstjóra frágang og undirritun hans.

Framlögð drög að umsögn til Matvælastofnunar um 7.000 tonna laxeldi í Stöðvarfirði.
Bæjarráð samþykkir umsögnina og felur bæjarstjóra að veita hana.