Bæjarráð

Lögð fram drög að rammaúthlutun vegna fjárhagsáætlunar 2022 auk forsenda tekju- og gjaldaliða. Einnig lögð fram spá um efnahagsþróun næstu ára. Umræður um fyrstu drög að rammaúthlutun 2022. Vísað til áframhaldandi vinnu við fjárhagsáætlunargerð 2022 og tekið fyrir á næsta fundi bæjarráðs.

Lagt fram minnisblað upplýsingafulltrúa um stöðu mála varðandi nýtt leiðanet almenningssamganga í Fjarðabyggð sem hefur göngu sína miðvikudaginn 1. september. Farið yfir skipulag og þjónustu í rekstri kerfisins.

Vísað frá eigna-, skipulags- og umhverfisnefnd til afgreiðslu bæjarráðs, uppfærðum friðlýsingarskilmálum Barðsnessvæðisins samkvæmt umsögnum sem bárust á auglýsingartíma auk draga að greinargerð þar sem gerð er grein fyrir innkomnum athugasemdum og svörum við þeim.
Bæjarráð samþykkir friðlýsingarskilmálana og vísar friðlýsingu svæðisins til afgreiðslu bæjarstjórnar.

Framlögð fundargerð yfirkjörstjórnar Fjarðabyggðar með tillögu um kjörstaði í Fjarðabyggð vegna Alþingiskosninga 25. september nk. og opnunartíma kjörstaðanna.
Yfirkjörstjórn leggur til að kjördeildir verði sjö. Kjördeild í Mjóafirði verður í Sólbrekku, Norðfirði í Nesskóla, Eskifirði í Tónlistarmiðstöð, Reyðarfirði í Safnaðarheimili, Fáskrúðsfirði í Grunnskóla Fáskrúðsfjarðar, Stöðvarfirði í Stöðvarfjarðarskóla og Breiðdal í Breiðdalsskóla. Kjörstaðir verði opnir milli 09:00 og 22:00 nema í Mjóafirði þar sem opið verði milli 09:00 til 14:00 eða 17:00.
Bæjarráð samþykkir tillögu yfirkjörstjórnar um kjördeildir í Fjarðabyggð vegna Alþingiskosninga 25. september nk. og opnunartíma þeirra.

Atvinnu- og þróunarstjóri kynnti innviðagreining Fjarðabyggðar en hún verður kynnt á miðlum sveitarfélagsins í framhaldinu.

Lagðar fram upplýsingar um styrk úr Alcoa Foundation vegna umhverfisverkefna. Styrkveiting nemur 130.000 bandaríkjadölum eða 80% og mótframlag sveitarfélagsins er 20%. Bæjarráð fagnar styrknum og felur bæjarstjóra að undirrita samning um verkefnið. Eigna-, skipulags- og umhverfisnefnd falin umsjón og útfærsla verkefnisins.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn AMC wave ehf. þar sem sótt er um lóðina við Búðarmel 27 á Reyðarfirði undir einbýlishús.
Bæjarráð samþykkir að úthluta lóðinni.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn AMC wave ehf. þar sem sótt er um lóðina við Búðarmel 29 á Reyðarfirði undir einbýlishús.
Bæjarráð samþykkir að úthluta lóðinni.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn AMC wave ehf þar sem sótt er um lóðina við Búðarmel 31 á Reyðarfirði undir einbýlishús.
Bæjarráð samþykkir að úthluta lóðinni.

Fundargerð fræðslunefndar frá 25. ágúst lögð fram til afgreiðslu.

Fundargerð eigna- skipulags- og umhverfisnefndar frá 23. ágúst lögð fram til afgreiðslu.

Fundargerð landbúnaðarnefndar frá 17. ágúst lögð fram til afgreiðslu.