Bæjarráð

Lögð fram endanleg tillaga að úthlutun ramma fyrir fjárhagsáætlunargerð ársins 2022 ásamt minnisblaði fjármálastjóra um breytingar frá drögum að úthlutun.
Bæjarráð samþykkir framlagða fjárhagsramma áætunar 2022 og vísar þeim tl vinnu fjárhagsáætlunar hjá fastanefndum og sviðsstjórum.

Fjallað um verkefni á sviði almannavarna í Fjarðabyggð og samstarf lögreglu og aveitarfélagsins. Vinna í vinnuhópum almannavarna á svæðinu er að fara af stað sem fjallar um verkefni almannavarna.

Farið yfir niðurstöður vöktunar en þær verða jafnframt kynntar í eigna-, skipulags- og umhverfisnefnd.

Farið yfir breytingar í leik- og grunnskólum á starfsmannahaldi og fjölda barna milli áranna 2021 og 2022.

Árlegt erindi félags áhugafólks um fornleifarannsóknir á Stöðvarfirði þar sem þakkað er fyrir framlög liðinna ára og óskað eftir sambærilegu fjármagni á fjárhagsáætlun ársins 2022.
Bæjarráð tekur vel í erindið. Erindi vísað til menningar- og nýsköpunarnefndar til umfjöllunar í tengslum við fjárhagsáætlunargerð 2022.

Óskað er eftir að Fjarðabyggð falli frá forkaupsrétti á bátnum Áka í Brekku. Eftir að Áki í Brekku (2660) var seldur í mars 2021 var skipt um nafn á bátnum. Báturinn sem var tekinn upp í í þeirri sölu fékk einnig nafnið Áki í Brekku (2790). Verið er að selja þann bát og kaupa annan sem mun fá þetta sama nafn og er með skráningarnúmerið 2672.
Bæjarráð samþykkir að falla frá forkaupsrétti á bátnum og vísar erindi til staðfestingar bæjarstjórnar.

Lagt fram bréf frá vinabænum Graveline vegna Íslandsdaga. Vegna faraldurs og sóttvarnarmála verða ekki heimsóknir milli bæjanna 2021. Stefnt á að halda uppá 30 ára vinabæjartengsl á árinu 2022.

Lagður fram til undirritunar ársreikningur Hitaveitu Fjarðabyggðar fyrir árið 2020.
Bæjarráð samþykkir ársreikning ársins 2020 með undirritun sinni.

Lagður fram til áritunar ársreikningur Rafveitu Reyðarfjarðar fyrir árið 2020.
æjarráð samþykkir ársreikning ársins 2020 með undirritun sinni.

Bæjarstjóri fór yfir framkvæmdir við Sköpunarmiðstöðina á Stöðvarfirði.
Bæjarstjóra falið að vinna að málinu áfram með ráðuneyti og ljúka því á grundvelli umræðna á fundinum.

Fundargerð stjórnar sambandsins nr. 900 lögð fram til kynningar.