Bæjarráð

Lagðar fram samantektir um tillögur fyrir rammaúthlutun vegna ársins 2022.
Vísa til áframhaldandi fjárhagsáætlunarvinnu.

Lagt fram minnisblað sviðsstjóra umhverfis- og skipulagssviðs vegna fjárhagsáætlunar og farið yfir viðhalds og framkvæmdaáætlanir framkvæmdasviðs. Leggur eigna-, skipulags- og umhverfisnefnd áherslu á að fá niðurstöðu um hvaða leiðir séu færar til að einangra Fjarðabyggðarhöllina miðað við burðarvirki hennar. Eigna- skipulags- og umhverfisnefnd hefur samþykkt að byggja upp körfuboltaaðstöðu við Eskifjarðaskóla m.t.t. tveggja karfa, en að öðru leyti vísar nefndin til gildandi deiliskiplags. Nefndin hefur einnig samþykkt þátttöku i uppbyggingu lóðar við gamla barnaskólann á Eskifirði samkvæmt samningi.
Vísað til áframhaldandi vinnu við fjárhagsáætlun.

Kynnt minnisblað sviðsstjóra fjölskyldusviðs og stjórnenda í félagsmálum.
Vísað til áframhaldandi vinnu fjárhagsáætlunargerðar.

Vísað frá menningar- og nýsköpunarnefnd lokatillögum vegna vinnu við fjárhagsáætlun 2022 í málaflokki menningarmála. Menningar- og nýsköpunarnefnd hefur samþykkt framlagðar áherslur og
tillögur sem fram koma í minnisblaði bæjarritara.
Vísað til áframhaldandi vinnu við gerð fjárhagsáætlunar.

Kynntar endanlegar niðurstöður úr útboði trygginga Fjarðabyggðar en lokið er yfirferð tilboðsgagna. Lægstbjóðandi er TM tryggingar hf. og lagt er til að tilboði lægstbjóðanda verði tekið.
Bæjarráð samþykkir að taka tilboði lægstbjóðanda, TM trygginga. Bæjarstjóra falið að undirrita tryggingarsamning.

Bréf Náttúrufræðistofnunar Íslands er varðar viðhaldsmál húsnæðis Borkjarnasafnsins í Breiðdal.
Bæjarráð vísar erindi til framkvæmdasviðs til vinnslu. Bæjarstjóra falið að ræða við Náttúrufræðistofnun um málið.

Lögð fram minnisblöð vegna breytinga á gjaldskrám fyrir félagsheimilin Egilsbúð og Valhöll. Gjaldskrá félagsheimila 2022 lögð fram til umræðu og samþykktar. Menningar- og nýsköpunarnefnd hefur samþykkt framlagða tillögu að gjaldskrá fyrir félagsheimilin Egilsbúð, Skrúð og Valhöll. Gjaldskrá vísað til bæjarráðs til samþykktar með ósk um að gjaldskrá taki gildi eftir samþykkt í bæjarráði.
Bæjarráð samþykkir gjaldskrá félagsheimila og hún taki gildi þegar gildi til samræmis við tillögur í minnisblaði.

Kynnt drög að viljayfirlýsingu, LOI, milli Landsvirkjunar, Copenhagen Infrastructure Partner og Fjarðabyggðar, um orkunýtingu frá grænum orkugarði til húshitunar.
Bæjarráð samþykkir efni viljayfirlýsingar og felur bæjarstjóra undirritunar hennar.

Lögð fram til kynningar drög að breytingu á reglugerð nr. 1088/2012 um Jöfnunarsjóð sveitarfélaga.
Bæjarráð felur fjármálastjóra að yfirfara breytingarnar.

Bæjarstjóri gerði grein fyrir styrk sem fékkst úr Fiskeldissjóði vegna framkvæmda við Leikskólann Dalborg á Eskifirði. Styrkurinn er að upphæð 42.589.578 kr.
Bæjarráð fagnar framlaginu.

Bæjarstjóri gerði grein fyrir styrk sem fékkst frá samgöngu- og sveitarstjórnarráðuneytinu vegna nýs leiðakerfis almenningssamgangna í Fjarðabyggð. Styrkurinn er veittur á grundvelli stefnumótandi byggðaáætlunar fyrir árin 2018-2024 og er að upphæð 8 milljónir kr.
Bæjarráð fagnar framlagi.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn Nestaks ehf. þar sem sótt er um lóð undir einbýlishús við Strandgötu 16 á Norðfirði. Svæðið er ódeiliskipulagt. Samkvæmt aðalskipulagi er umrætt svæði innan skilgreindrar íbúðabyggðar þar sem gert er ráð fyrir nýbyggingum sem falla að nýtingu, yfirbragði og þéttleika núverandi byggðar.
Bæjarráð felur bæjarstjóra og fjármálastjóra að ræða við lóðarhafa. Tekið fyrir á næsta fundi bæjarráðs.

Vísað frá eigna-, skipulags- og umhverfisnefnd til afbreiðslu bæjarráðs lóðarumsókn AMC wave ehf. þar sem sótt er um lóðirnar við Litlagerði 2, 4 og 6 á Reyðarfirði undir raðhús. Grenndarkynningu er lokið með samþykki nágranna.
Bæjarráð felur bæjarstjóra og fjármálastjóra að ræða við lóðarhafa. Tekið fyrir á næsta fundi bæjarráðs.

Vísað frá eigna-, skipulags- og umhverfisnefnd til afbreiðslu bæjarráðs lóðarumsókn AMC wave ehf. þar sem sótt er um lóðina við Ystadal 6-8 á Eskifirði undir 9 íbúða raðhús. Grenndarkynningu er lokið.
Bæjarráð felur bæjarstjóra og fjármálastjóra að ræða við lóðarhafa. Tekið fyrir á næsta fundi bæjarráðs.

Vísað frá eigna-, skipulags- og umhverfisnefnd til afbreiðslu bæjarráðs lóðarumsókn AMC wave ehf. þar sem sótt er um lóðina við Miðdal 17-19 á Eskifirði undir 9 íbúða raðhús. Grenndarkynningu er lokið.
Bæjarráð felur bæjarstjóra og fjármálastjóra að ræða við lóðarhafa. Tekið fyrir á næsta fundi bæjarráðs.

Framlögð beiðni Ragnars Sigurðssonar bæjarfulltrúa um að unnið verði óháð mat á áhrifum þess að hlutafélagavæða Fjarðabyggðarhafnir.
Fjármálastjóri aflar frekari gagna í samræmi við umræður á fundi.

Fundargerð eigna- skipulags- og umhverfisnefndar frá 4. október lögð fram til afgreiðslu.

Fundargerð menningar- og nýsköpunarnefndar frá 4. október, lögð fram til afgreiðslu.

Fundargerð íþrótta- og tómstundanefndar frá 4. október, lögð fram til afgreiðslu.

Fundargerð barnaverndarnefndar frá 7. október lögð fram til afgreiðslu.