Bæjarráð

Slökkviliðsstjóri sat þennan lið fundarins. Yfirferð yfir fjárhagsáætlun málaflokks slökkviliðs og brunavarna. Lagt fram minnisblað slökkviliðsstjóra.

Lagt fram yfirlit yfir rekstur og fjárfestingar Fjarðabyggðar fyrir janúar - ágúst auk yfirlits yfir launakostnað og skatttekjur fyrir janúar - september.

Áframhald vinnu við fjárhagsáætlun ársins 2022. Lagt fram yfirlit yfir stöðu áætlunar.

Farið yfir fjárfestingaráætlun málaflokks hafnarsjóðs. Vísað til áframhaldandi vinnu við fjárhagsáætlun 2022.

Farið yfir fjárfestingarætlanir málaflokks eigna- skipulags- og umhverfisnefndar. Vísað til áframhaldandi vinnu við fjárhagsáætlun 2022.

Fræðslunefnd hefur samþykkt fjárhagsáætlunarramma fyrir sitt leyti, en óskar eftir við bæjarráð að rammi verði hækkaður um 0,8%. Vísað til áframhaldandi vinnu við fjárhagsáætlun 2022.

Fræðslunefnd hefur samþykkt breytingar á reglum um leikskóla. Annars vegar að í reglunum verði kveðið á um að skólaár leikskóla sé skilgreint frá 1. ágúst til 31. júlí og börnum í elsta árgangi verði boðið upp á sumarfrístund í ágúst og hins vegar er lagt til að starfsfólk leikskóla fái 30% afslátt af leikskólagjöldum. Lagt fram minnisblað fræðslustjóra. Breytingu á reglum vísað til frekari vinnslu hjá bæjarstjóra, mannauðsstjóra og sviðsstjóra fjölskyldusviðs.

Lagðar fram breytingar á samþykkt um stjórn og fundarsköp bæjarstjórnar auk minnisblaðs forstöðumanns stjórnsýslu. Forstöðumanni falið að vinna áfram að málinu í ljósi fyrirhugaðra breytinga á fyrirkomulagi barnaverndarmála.
Lagt er til að breytingum á samþykkt um stjórn og fundarsköp bæjarstjórnar verði vísað til fyrri umræðu í bæjarstjórn þegar tillögur liggja endanlega fyrir.

Lagt fram sem trúnaðarmál minnisblað upplýsingafulltrúa um kaup á munum fyrir Íslenska Stríðsárasafnið á Reyðarfirði. Vísað til menningar- og nýsköpunarnefndar með ósk um afstöðu nefndarinnar. Tekið fyrir að nýju í bæjarráði í byrjun nóvember.

Framlagt erindi frá Sambandi íslenskra sveitarfélag um viðmið fyrir kjör fulltrúa í sveitarstjórnum. Lagt fram til kynningar. Vísað til skoðunar hjá bæjarritara.

Lagt fram til kynningar bréf Samgöngu- og sveitarstjórnarráðuneytis um breytingu á reglugerð vegna reikningsskila sveitarfélaga. Vísað til skoðunar hjá fjármálastjóra.

Lagður fram samningur við Tandraorku ehf. um uppsetningu og rekstur á perlukyndistöð við kyndistöð fjarvarmaveitu Fjarðabyggðar í Neskaupstað. Verkefnið er tilraunaverkefni til eins árs. Eigna-, skipulags- og umhverfisnefnd hefur samþykkt að veitustöðin verði staðsett austan við bílastæði verkkennsluhúss þannig að hæfileg fjarlægð verði frá verkkennsluhúsi. Fjármálastjóri kynnti efni samnings. Bæjarráð samþykkir samning og felur bæjarstjóra undirritun hans.

Bréf sóknarnefndar Heydalasóknar þar sem farið er fram á að sveitarfélagið annist uppsetningu á lýsingu á bílastæði við kirkjuna og sjái um að greiða rafmagnskostnað vegna lýsingarinnar í framtíðinni. Bæjarráð hafnar erindi þar sem það fellur ekki að hlutverki sveitarfélagsins. Bæjarráð hvetur sóknarnefnd jafnframt til að ræða málið við prestsetrasjóð.

Með bréfi Sambandsins frá 30.september er óskað eftir afstöðu bæjaryfirvalda, fyrir lok október, til hugmynda Húsnæðis- og mannvirkjastofnun er snúa að uppbyggingu íbúðarhúsnæðis á landsbyggðinni í formi húsnæðissjálfseignarstofnun (hses.) er starfi á landsbyggðinni. Bæjarráð telur að fyrirliggjandi hugmyndir séu til bóta og tekur undir þær, en minnir á að mikilvægi þess að málið verði unnið hratt þannig að verkefni komist til framkvæmda.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn Nestaks ehf. þar sem sótt er um lóð undir einbýlishús við Strandgötu 16 á Norðfirði. Svæðið er ódeiliskipulagt. Samkvæmt aðalskipulagi er umrætt svæði innan skilgreindrar íbúðabyggðar þar sem gert er ráð fyrir nýbyggingum sem falla að nýtingu, yfirbragði og þéttleika núverandi byggðar. Bæjarráð samþykkir úthlutun lóðar.

Vísað frá eigna-, skipulags- og umhverfisnefnd til afbreiðslu bæjarráðs lóðarumsókn AMC wave ehf. þar sem sótt er um lóðirnar við Litlagerði 2, 4 og 6 á Reyðarfirði undir raðhús. Grenndarkynningu er lokið með samþykki nágranna. Lóðarbeiðandi hefur fallið frá umsókn.

Vísað frá eigna-, skipulags- og umhverfisnefnd til afbreiðslu bæjarráðs lóðarumsókn AMC wave ehf. þar sem sótt er um lóðina við Ystadal 6-8 á Eskifirði undir 9 íbúða raðhús. Grenndarkynningu er lokið. Bæjarráð samþykkir úthlutun lóðarinnar.

Vísað frá eigna-, skipulags- og umhverfisnefnd til afbreiðslu bæjarráðs lóðarumsókn AMC wave ehf. þar sem sótt er um lóðina við Miðdal 17-19 á Eskifirði undir 9 íbúða raðhús. Grenndarkynningu er lokið. Bæjarráð samþykkir úthlutun lóðarinnar.

Haustþing SSA verður haldið í Fjarðabyggð 19.-20. nóvember 2021. Bæjarritara falið að halda utan um skipulag þingsins.

Fundargerð eigna- skipulags- og umhverfisnefndar frá 11.október lögð fram til afgreiðslu.

Fundargerð hafnarstjórnar frá 13.október lögð fram til afgreiðslu.

Fundargerð fræðslunefndar frá 13.október lögð fram til afgreiðslu.

Fundargerð félagsmálanefndar frá 13.október lögð fram til afgreiðslu.