Bæjarráð

Vísað frá eigna-, skipulags- og umhverfisnefnd til umfjöllunar í bæjarráði minnisblaði Mannvits vegna burðarvirkis stálgrindar í þaki Fjarðabyggðarhallarinnar, dagsett 21. október 2021. Þegar endanleg skýrsla liggur fyrir verður málið tekið fyrir að nýju í nefndinni.
Bæjarráð fór yfir málið og tekur það að nýju fyrir þegar endanleg skýrsla liggur fyrir.

Vísað frá eigna-, skipulags- og umhverfisnefnd til afgreiðslu bæjarráðs niðurstöðu útboðs viðbyggingar leikskólans Dalborgar sem lauk föstudaginn 22. október síðastliðinn. Engin tilboð bárust í verkið. Nefndin fól sviðsstjóra framkvæmdasviðs að fylgja málinu eftir samkvæmt umræðu á fundi nefndarinnar.
Bæjarráð vísar málinu til skoðunar bæjarstjóra og sviðsstjóra framkvæmdasviðs.

Lagt fram minnisblað sviðsstjóra framkvæmdasviðs um stöðu framkvæmda ársins 2021.

Lögð fram drög að tillögu að fjárhagsáætlun Fjarðabyggðar til fyrri umræðu í bæjarstjórn fyrir árið 2022 og 3ja ára áætlun fyrir árin 2023-2025.
Bæjarráð samþykkir að vísa drögum fjárhagsáætlunar Fjarðabyggðar og stofnana fyrir árið 2022 og þriggja ára áætlun fyrir árin 2023 til 2025 til fyrri umræðu í bæjarstjórn.

Vísað frá eigna-, skipulags- og umhverfisnefnd til afgreiðslu bæjarráðs gjaldskrá fyrir meðhöndlun úrgangs.
Bæjarráð samþykkir forsendur fyrir gjaldskrá og felur sviðsstjóra framkvæmdasviðs og fjármálastjóra að útfæra orðalag gjaldskrár og leggja að nýju fyrir bæjarráð til staðfestingar.

Gjaldskrá fasteignagjalda 2022 og afslættir til eldri borgara og örorkulífeyrisþega lögð fram til umræðu og samþykktar, ásamt greinargerð fjármálastjóra.
Gjaldskrá fasteignagjalda 2022 og afslættir til eldri borgara og örorkulífeyrisþega vísað til bæjarstjórnar til samþykktar.

Lagt er til að álagningarhlutfall útsvars verði hámarksútsvar, þ.e. 14,52% af útsvarsstofni í Fjarðabyggð. Tillaga þessi er í samræmi við 24.gr. laga um tekjustofna sveitarfélaga nr. 4/1995. Bæjarráð vísar ákvörðun um álagningarhlutfall útsvars til staðfestingar bæjarstjórnar.

Vísað frá menningar- og nýsköpunarnefnd til umfjöllunar bæjarráðs minnisblaði upplýsingafulltrúa merkt sem trúnaðarmál um kaup á munum fyrir Íslenska Stríðsárasafnið á Reyðarfirði. Menningar- og nýsköpunarnefnd telur mikilvægt að gengið verði frá kaupum á safnmunum og farið verði í frekari uppbyggingu á Íslenska Stríðsárasafninu í beinu framhaldi. Nefndin tekur undir áhersluatriði sem koma fram í framlögðu minnisblaði til bæjarráðs um að skipaður verði starfshópur til að móta framtíðarsýn fyrir safnið.
Bæjarráð samþykkir að gengið verði til samninga um kaup á mununum. Skipaður verði starfshópur af bæjarráði í framhaldi með vísan til tillagna í minnisblaði. Vísað til bæjarstjóra og fjármálastjóra að útfæra tillögur að fjármögnun kaupanna.

Byggðastofnun hefur samþykkt að Stöðvarfjörður verið tekinn inn í verkefnið Brothættar byggðir. Skipa þarf tvo aðalmenn og tvo til vara, í starfshóp vegna verkefnisins.
Bæjarráð samþykkir að aðalfulltrúar Fjarðabyggðar verði forseti bæjarstjórnar og atvinnu- og þróunarstjóri. Til vara verði bæjarstjóri og bæjarritari.

Framlagt bréf Sambands íslenskra sveitarfélaga um framlög til starfrænnar þróunar sveitarfélga á árinu 2022. Hlutur Fjarðabyggðar í verkefninu eru um 3,3 m.kr.
Bæjarráð samþykkir þátttöku í verkefninu starfræn þróun sveitarfélaga og felur bæjarstjóra ásamt fjármálastjóra útfærslu fjármögnunar.

Framlagður samningur við Byggðastofnun fyrir hönd samgöngu- og sveitarstjórnarráðherra, um styrkveitingu til almenningssamgangna í Fjarðabyggð.
Bæjarráð samþykkir samninginn og felur bæjarstjóra undirritun hans.

Kynnt niðurstaða Húsnæðis- og mannvirkjastofnunar varðandi umsókn Bæjartúns um úthlutun stofnframlaga ríkisins 2021 en umsókn félagsins var hafnað. Fjarðabyggð hafði áður samþykkt umsóknina fyrir sitt leyti.

Framlögð drög að endurskoðuðu erindisbréf forvarna- og öryggisnefndar ásamt minnisblaði.
Bæjarráð samþykkir erindisbréf og felur bæjarritara frágang þess.

Lagðar fram til kynningar upplýsingar um ágóðahlutagreiðslu frá Eignarhaldsfélagi Brunabótafélags Íslands á árinu 2021. Ágóðahluti Fjarðabyggðar er 4.703.400 kr.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn Erlu Bjargar Þórhallsdóttur þar sem sótt er um lóðina við Árdal 13 á Eskifirði undir einbýlishús.
Bæjaráð samþykkir úthlutun lóðarinnar.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn Gestsstaða ehf. þar sem sótt er um lóðina við Hjallaleiru 13 á Reyðarfirði undir athafnastarfsemi.
Bæjarráð samþykkir úthlutun lóðarinnar.

Tilnefna þarf fulltrúa á aðalfund Fiskiræktar- og veiðifélags Norðfjarðarár sem haldinn verður 10.nóvember.
Bæjarráð felur bæjarstjóra að sækja fundinn með fullt og ótakmarkað umboð.

Framlagt aðalfundarboð Heilbrigðiseftirlits Austurlands en aðalfundur er boðaður 3. nóvember 2021 á Hornafirði.
Bæjarráð samþykkir að fela bæjarstjóra að sækja fundinn með fullt og ótakmarkað umboð.

Framlögð drög að viljayfirlýsingu um uppbyggingu á fjórum leiguíbúðum á Norðfirði.
Bæjarráð samþykkir viljayfirlýsinguna og felur bæjarstjóra undirritun hennar.

Bæjarstjóri gerði grein fyrir ferð sinni og verkefnastjóra hafna til Rotterdam vegna ráðstefnu um græna orkugjafa í tengslum við verkefnið grænn orkugarður á Reyðarfirði. Kynnt efni samstarfsyfirlýsingar sem bæjarstjóri undirritaði við Rotterdamhöfn.

Fundargerð eigna- skipulags- og umhverfisnefndar frá 25. október lögð fram til afgreiðslu.

Fundargerð menningar- og nýsköpunarnefndar frá 25. október lögð fram til afgreiðslu.