Bæjarráð

Lögð fram tillaga að breytingu á fjárhagsáætlun Fjarðabyggðar 2022 - 2025 milli umræðna fyrir síðari umræðu í bæjarstjórn.
Bæjarráð samþykkir fyrirliggjandi tillögur um breytingar á fjárhagsáætlun 2022 til 2025 og vísar þeim ásamt fjárhagsáætluninni í heild til síðari umræðu í bæjarstjórn.

Lagt fram yfirlit yfir rekstur og fjárfestingar Fjarðabyggðar fyrir janúar - september sem trúnaðarmál auk yfirlits yfir launakostnað og skatttekjur fyrir janúar - október.

Tekin fyrir að nýju gjaldskrá fyrir leikskólagjöld í leikskólum Fjarðabyggðar. Ákvörðun um endanlega gjaldskrá leikskóla 2022 var frestað þar til endurskoðun á reglum um leikskólagjöld væri lokið.
Bæjarráð samþykkir gjaldskrá með breytingum á afsláttarkafla í tillögu að gjaldskrá. Gjaldskráin taki gildi frá og með 1. janúar 2022.

Framlögð uppfærð tillaga að gjaldskrá fyrir meðhöndlun úrgangs fyrir árið 2022 með breyttu orðalagi í samræmi við umræður á fundi bæjarráðs 1. nóvember 2021.
Bæjarráð samþykkir gjaldskrá fyrir meðhöndlun úrgangs og taki hún gildi 1. janúar 2022.

Framlagt bréf frá fulltrúum sóknarnefndar Heydalakirkju þar sem farið er yfir málefni Einarsstofnunar og Einarsstofu í Breiðdal. Óskað er tilnefningar fulltrúa í stjórn Einarsstofu.
Bæjarráð fagnar framtaki um stofnun Einarsstofu til minningar um Einar Sigurðsson prest og sálmaskáld. Fjarðabyggð óskar eftir að fá að fylgjast með verkefninu en skipar ekki fulltrúa sveitarfélagsins í stjórn.

Framlagt bréf Ungmennar og íþróttasambands Austurlands um framlög sveitarfélaga til starfs sambandsins á árinu 2022.
Vísað til íþrótta- og tómstundanefndar til kynningar en framlag er áætlað á fjárhagsáætlun ársins 2022 til sambandsins.

Lögð fram drög að samningi við Leigufélagið Bríet um fjórar íbúðir að Leynimel á Stöðvarfirði þar sem gert er ráð fyrir því að íbúðirnar verði lagðar inn í leigufélagið.
Bæjarráð samþykkir samninginn og felur bæjarstjóra undirritun hans.

Lögð fram drög að samningi við SvAust ehf. um almenningssamgöngur á leiðinni Breiðdalur - Reyðarfjörður - Breiðdalur um eina fasta ferð á dag á leiðinni.
Bæjarráð samþykkir samning og felur bæjarstjóra undirritun hans ásamt því að taka upp viðræður við rekstraraðila almenningssamgangna í Fjarðabyggð.

Húsnæðis- og mannvirkjastofnun hefur opnað að nýju fyrir umsóknir um stofnframlög til byggingar íbúðarhúsnæðis. Lagt er til að sótt verði að nýju um á sömu forsendum og áður, en undir öðru nafni en Bæjartún hses.
Bæjarráð samþykkir stofnframlag í nýrri umsókn á sömu forsendum og gerðar voru í þeirri fyrri.

Fundargerðir sambandsins frá 24. september og 29. október lagðar fram til kynningar.

Fundargerð eigna- skipulags- og umhverfisnefndar frá 8. nóvember lögð fram til afgreiðslu.

Fundargerð fræðslunefndar frá 10. nóvember lögð fram til afgreiðslu.