Bæjarráð

Framlögð að nýju til samþykktar drög að samningi Fjarðabyggðar og HSA um samþættingu stuðningsþjónustu í verkefninu Gott að eldast. Breytingar hafa verið kynntar meðal starfsmanna.
Bæjarráð samþykkir samninginn fyrir sitt leyti og vísar honum til afgreiðslu bæjarstjórnar.

Framlögð umsókn frá Wojciech Zdzislaw Grzelak um styrk vegna BigJump hátíðarinnar.
Bæjarráð vísar erindi til umfjöllunar stjórnar menningarstofu.

Lagt fram tilboð í fasteignina Sóbakki 7 á Breiðdalsvík.
Bæjarráð hafnar tilboði og felur fjármálastjóra að gera gagntilboð.

Bæjarráð Fjarðabyggðar skorar á stjórnvöld að efla löggæslu á Austurlandi, þar sem núverandi mönnun telst ófullnægjandi og álag á lögreglumenn mikið á jafn landfræðilega stóru svæði og Austurland er.
Svæðið er mikilvægur hlekkur í almannavarnakerfi landsins, auk þess sem landamæraeftirlit fer fram á flugvellinum á Egilsstöðum og á landamærahöfnum umdæmisins. Skortur á lögreglumönnum hefur áhrif á getu löggæslu til að sinna lögbundnum verkefnum.
Bæjarráð leggur einnig áherslu á að efla tækjakost lögreglunnar, sérstaklega með tilliti til landamæraeftirlits, til að tryggja öfluga og skilvirka löggæslu á svæðinu.

Framlögð ósk Miðstöðvar slysavarna barna um styrk v/ fræðslu fyrir foreldra um slysavarnir ungra barna á heimilum og öryggi þeirra í bílum.
Bæjarráð samþykkir að styrkja fræðsluna um umbeðna fjárhæð.

Tilnefning fulltrúa í hafnarstjórn í stað Birgis Jónssonar vegna tímabundis leyfis hans frá störfum sem fulltrúi í hafnarstjórn til 1 júní nk. Jón Björn Hákonarson tekur sæti Birgis meðan á leyfi hans stendur.

Farið yfir hugmyndir R101 ehf. um uppbyggingu miðbæjarkjarna á Reyðarfirði og skipulagsmál svæðisins.

Framlögð til kynningar fundargerð og kynningarefni frá Vegagerðinni vegna endurhönnunar almenningssamgangna á landsbyggðinni.

Framlögð ályktun frá skólaráði Eskifjarðarskóla sem lýsir yfir áhyggjum sínum af aðstöðuleysi eskfirskar barna til hreyfingar.
Bæjarráð Fjarðabyggðar þakkar fyrir erindið. Það er fullur skilningur á þeim áhyggjum sem fram koma í bréfinu og þeirri mikilvægu áherslu sem þar er lögð á lýðheilsu, hreyfingu og aðgang barna og samfélagsins alls að viðunandi íþróttaaðstöðu. Eins og fram kemur í meirihlutasamningi Framsóknarflokks og Sjálfstæðisflokks er ríkur vilji til að tryggja uppbyggingu íþróttaaðstöðu á Eskifirði. Í því ljósi er unnið hörðum höndum að því að tryggja úrbætur sem allra fyrst. Bæjarráð tekur undir með bréfriturum að nauðsynlegt sé að bregðast við þeirri stöðu sem nú er uppi og leggja áherslu á lausnir sem bæta hreyfingaraðstöðu og stuðla að bættri lýðheilsu og velferð barna og íbúa Eskifjarðar. Bæjarráð mun fylgja eftir þessari brýnu umræðu og tryggja að íþróttaaðstaða á Eskifirði verði sett í forgang.

Framlögð til kynningar fundargerð 78. fundar stjórnar Samtaka sveitarfélaga á köldum svæðum.

Framlögð til kynningar 79.fundargerð fundar stjórnar Samtaka orkusveitarfélaga.

Framlögð til umfjöllunar og afgreiðslu fundargerð fjölskyldunefndar frá 27. janúar.

Framlögð til umfjöllunar og afgreiðslu fundargerð hafnarstjórnar frá 27. janúar.

Framlögð til umfjöllunar og afgreiðslu fundargerð öldungaráðs frá 2. desember.