Bæjarráð

Lagt fram kauptilboð í fasteignina Strandgötu 39 á Eskifirði.
Bæjarráð felur bæjarstjóra og fjármálastjóra að ræða við tilboðsgjafa varðandi kauptilboðið.

Lagt fram nýtt tilboð í fasteignina Sólbakki 7 Breiðdalsvík.
Bæjarráð samþykkir kauptilboð í eignina og felur bæjarstjóra undirritun skjala vegna sölunnar.

Lögð fram auglýsing Húsnæðis- og mannvirkjastofnunar um að opnað hafi verið fyrir umsóknir um stofnframlög til byggingar eða kaupa á íbúðum til að bæta húsnæðisöryggi þeirra sem eru undir tekju- og eignamörkum skv. lögum nr. 52/2016.
Bæjarráð samþykkir að sótt verði um stofnframlög til byggingar eða kaupa á íbúðum. Fjármálastjóra falin vinnsla málsins.

Fiskeldissjóður hefur auglýst til úthlutunar úr sjóðnum á árinu 2025 kr. 456.100.000 til sveitarfélaga þar sem sjókvíaeldi er starfrækt.
Bæjarráð felur bæjarstjóra og sviðsstjóra skipulags- og framkvæmdasviðs að vinna að umsóknum í sjóðinn og leggja fyrir bæjarráð að nýju.

Farið yfir atburði og viðbrögð vegna óveðurs sem gekk yfir 5. og 6. febrúar og olli verulegum skemmdum á Stöðvarfirði á eignum og innviðum.
Bæjarráð þakkar öllum þeim aðilum sem tókum þátt í aðgerðum á vettvangi óveðursins.

Fjallað um deiliskipulag miðbæjarins á Reyðarfirði og lóða við Bræðslureit.
Bæjarráð felur stjórnanda byggingar-, skipulags- og umhverfisdeildar að vinna áfram að málinu og leggja fyrir bæjarráð að nýju.

Framlagt erindi matvælaráðuneytisins vegna úthlutunar byggðakvóta 2024 til 2025 og gerð sérreglna.
Bæjarráð felur bæjarstjóra að fara yfir forsendur fyrir úthlutuninni og erindið verður tekið fyrir að nýju í bæjarráði.

Lögð er fram umsókn um leigu á herbergi í sundlauginni á Eskifirði til starfsemi tengdri sjúkraþjálfun.
Bæjarráð samþykkir að leigja út aðstöðuna en gera breytingar í samræmi við umræður á fundinum. Jafnframt er bæjarstjóra falin undirritun samnings.

Framlagt erindi frá Verkmenntaskóla Austurlands þar sem óskað er eftir styrk vegna afnota af Egilsbúð vegna uppsetningar Leikfélagsins Djúpið, Nemendafélags VA og Leikfélags Norðfjarðar á söngleiknum HEATHERS.
Bæjarráð samþykkir að veita styrk á móti leigu af Egilsbúð, tekið af liðnum óráðstafað 21690.

Fundargerðir stjórnar Sambands íslenskra sveitarfélaga nr. 960, 961 og 962 lagðar fram til kynningar.

Framlögð til umfjöllunar og afgreiðslu fundargerð stjórnar menningarstofu frá 3. febrúar

Fjallað um sameiginleg málefni Fjarðabyggðar og Heilbrigðisstofnunar Austurlands.
Bæjarráð felur bæjarstjóra að fylgja málum sem til umræðu voru á fundinum eftir.