Bæjarráð

Framlagður verkkaupasamningur og verkáætlun Framkvæmdasýslu ríkisins og Fjarðabyggðar vegna endurgerðar upptakastoðvirkja á Norðfirði.
Bæjarráð samþykkir verkkaupasamning fyrir sitt leyti og felur bæjarstjóra undirritun hans.

Fyrir liggur hönnun ofanflóðavarna fyrir Grjótá á Eskifirði. Hönnun gerir ráð fyrir að fasteignir við Grjótárgötu C,D og E ásamt Strandgötu 36 þurfi að víkja.
Bæjarráð samþykkir að hefja ferli við uppkaup eigna vegna ofanflóðavarna í Grjótá í samvinnu við Ofanflóðasjóð og felur bæjarstjóra að tilnefna matsmann af hálfu sveitarfélagsins.

Vísað frá fjölskyldunefnd til umfjöllunar og afgreiðslu bæjarráðs drögum að reglum leikskólaþjónustu Fjarðabyggðar.
Bæjarráð samþykkir reglurnar fyrir sitt leyti með tveim atkvæðum og vísar þeim til staðfestingar bæjarstjórnar.
Stefán Þór Eysteinsson situr hjá við afgreiðsluna.

Framlagðar sem trúnaðarmál niðurstöður Vinnustaðagreiningar 2024 og greiningu mannauðs- og umbótasviðs varðandi niðurstöðuna.
Bæjarráð fór yfir niðurstöður en sviðsstjóri mannauðs- og umbótasviðs mun vinna áfram með niðurstöður ásamt stjórnendum stofnana.

Vísað frá fjölskyldunefnd til staðfestingar bæjarráðs samningi við Píeta samtökin.
Bæjarráð samþykkir samninginn og felur bæjarstjóra undirritun hans.

Tekið fyrir að nýju erindi matvælaráðuneytisins vegna úthlutunar byggðakvóta 2024 til 2025 og gerð sérreglna.
Bæjarráð samþykkir að framkvæmd á úthlutunar á byggðakvóta verði með sama hætti og á síðasta ári.
Bæjarráð Fjarðabyggðar skorar á matvælaráðuneytið að tryggja að byggðakvótinn verði óbreyttur milli ára og vekur jafnframt athygli á þeim skerðingum sem orðið hafa á Austurlandi, sbr. framangreind gögn. Bæjarráð lýsir yfir miklum áhyggjum af þeirri þróun að úthlutanir úr 5,3% pottinum dragist sífellt saman á Austfjörðum, hvort sem litið er til almenns eða sértæks byggðakvóta eða strandveiða.
Bæjarráð ítrekar að markmið byggðafestra aðgerða er að stuðla að stöðugleika í atvinnu- og samfélagsuppbyggingu landsins, ekki síst á þeim svæðum sem standa veikari fæti. Bæjarráð hvetur stjórnvöld til að endurskoða fyrirkomulag kvótaúthlutana með það fyrir augum að stuðla að jafnvægi milli landshluta og tryggja áframhaldandi mannlíf, atvinnu og uppbyggingu á Austurlandi.

Framsóknarflokkur tilnefnir Jón Kristinn Arngrímsson sem varamann í hafnarstjórn í stað Jóns Björns Hákonarsonar til 1. júní 2025.

Framlögð til kynningar stefna Lögreglustjórans á Austurlandi fyrir árið 2025.

Framlögð til kynningar auglýsing eftir framboðum í stjórn Lánasjóðs sveitarfélaga.

Framlögð til kynningar árskýrsla Fablab á Austurlandi 2024.

Framlögð til kynningar gögn vegna þjóðlendukröfu ríkisins í eyjar og sker.

Framlögð til kynningar yfirlýsing Miðstöðvar sjúkraflugs á Íslandi vegna lokunar flugbrauta 13 og 31 á Reykjavíkurflugvelli.
Bæjarráð ítrekar fyrri afstöðu sína vegna málefna flugvallarins í Reykjavík og skorar á Reykjavíkurborg, stjórnvöld og Isavia að tryggja flugrekstraröryggi Reykjavíkurflugvallar án tafar. Brýnir hagsmunir eru í húfi, þar sem óheft aðgengi að flugvellinum er lífsnauðsynlegt fyrir sjúkraflug, sem veitir veikum og slösuðum aðgang að bráðri heilbrigðisþjónustu á Landspítalanum. Á hverju ári eru fluttir um 950 til 1000 sjúklingar með sjúkraflugi, þar af um 630 til 650 til Reykjavíkur, og er óásættanlegt að lokun flugbrauta í myrkri takmarki þessa þjónustu. Ljóst er að slíkar takmarkanir gætu dregið úr lífslíkum eða batahorfum fjölda sjúklinga. Bæjarráð hvetur aðila málsins til að leita allra leiða til úrbóta, í þágu jafns aðgangs allra landsmanna að heilbrigðisþjónustu, eins og kveðið er á um í lögum og hefjast handa við það nú þegar.

Framlögð til kynningar 157. fundargerð stjórnar Austurbrúar ásamt fundargerð haustþings Sambands sveitarfélaga á Austurlandi.

Fundargerð stjórnar Samtaka sjávarútvegssveitarfélaga nr. 84 lögð fram til kynningar.

Fundargerð stjórnar Samtaka orkusveitarfélaga nr. 80 lögð fram til kynningar.

Fundargerð stjórnar Sambands íslenskra sveitarfélaga nr. 963 lögð fram til kynningar.

Fundargerð hafnarstjórnar frá 10. febrúar lögð fram til umfjöllunar og afgreiðslu.

Fundargerð fjölskyldunefndar frá 10. febrúar lögð fram til umfjöllunar og afgreiðslu.