Bæjarráð

Framlagt minnisblað vegna áhrif innanhústillögu ríkissáttasemjara í kjaradeilu Sambands sveitarfélaga við KÍ frá 28.11.24 á launaáætlun 2024.
Bæjarráð vísar minnisblaðinu til gerðar viðauka við fjárhagsáætlun 2024.

Farið yfir umsóknir til Fiskeldissjóðs um styrk vegna verkefna sem sótt er um framlög til og falla að markmiðum sjóðsins.
Bæjarráð fór yfir umsóknir og samþykkir tillögur með áorðnum breytingum. Sviðsstjóra skipulags- og framkvæmdasviðs falið að skila tillögum inn.

Framlagt svar Ofanflóðasjóðs vegna uppkaupa á lóðum vegna framkvæmda við Lambeyrará.
Bæjarráð samþykkir að fram fari mat skv. ferlum um uppkaup vegna framkvæmda og tekur málið fyrir þegar mötin liggja fyrir.

Fjölskyldunefnd samþykkti fyrir sitt leyti sameiginlega páskapassa fyrir Oddsskarð og Stafdal. Málið hefur einnig farið fyrir fjölskylduráð Múlaþings og fékk samþykki þar.
Bæjarráð samþykkir tillögu um skíðapassa fyrir páska árið 2025.

Framlögð drög að umgengnisreglum íþróttavalla Fjarðabyggðar og Fjarðabyggðarhallarinnar til samþykktar bæjarráðs en reglurnar hafa verið staðfestar af fjölskyldunefnd.
Bæjarráð samþykkir drögin fyrir sitt leyti og vísa þeim til staðfestingar bæjarstjórnar.

Framlagt bréf frá Knattspyrnufélag Austfjarða sem fjallar um akstur barna á knattspyrnuæfingar.
Bæjarráð vísar erindi til skoðunar hjá fjölskyldusviði og að skoða frekari nýtingu á þeim ferðum sem þegar eru í boði í samgöngukerfi Fjarðabyggðar.

Framlögð drög að samningi um þjálfun í Janusarverkefninu til afgreiðslu bæjarráðs en samningur fjallar um þjálfun í verkefninu.
Bæjarráð samþykkir samninga með tillögu um eftirfylgni þeirra og umhald og felur bæjarstjóra undirritun þeirra.

Framlagt til kynningar bréf Ungmennafélagsins Austra vegna íþróttahúss á Eskifirði.
Bæjarráð er enn að skoða lausnir í málum íþróttahúss á Eskifirði og verða málefni því tengd rædd frekar þegar niðurstaða liggur fyrir.

Framlögð beiðni Alþýðusambands Íslands þar sem óskað er upplýsingar um útvistun þrifa til fyrirtækja.
Bæjarráð vísar erindi til afgreiðslu hjá sviðsstjóra mannauðs- og umbótasviðs.

Framlagt erindi Náttúruverndarsamtaka Austurlands um fyrirhugaðan kynningarfund um áhrif vindorku.
Bæjarráð sendir fulltrúa sinn til fundarins.

Framlagt fundarboð á aðalfund Lánasjóðs sveitafélaga sem haldinn verður 20. mars nk.
Bæjarráð samþykkir að Jóna Árný Þórðardóttir bæjarstjóri fari með umboð Fjarðabyggðar á aðalfundinum.

Framlagt til kynningar erindi samtakanna Landsbyggðin lifi um samstarfsverkefni sveitafélaga í dreifbýli vegna þátttöku samtakanna í samstarfsverkefninu Coming, Staying, Living Ruralizing Europe.
Bæjarráð þakkar fyrir erindið en tekur ekki þátt í verkefninu að svo stöddu.

Framlagt til umfjöllunar frumvarp til laga um kílómetragjald á ökutæki, Þingskjal 123.
Bæjarráð felur bæjarritara að skila inn umsögn vegna frumvarpsins.

Framlögð tillaga til þingsályktunar um breytingu á þingsályktun nr. 24/152 um áætlun um vernd og orkunýtingu landsvæða, 101. mál.
Bæjarráð felur bæjarritara að vinna drög að umsögn á grundvelli fyrri samþykkta sveitarfélagsins og leggja fyrir bæjarráð að nýju.

79.fundargerð Samtaka sveitafélaga á köldum svæðum lögð fram til kynningar.

Fundargerðir 970. fundar stjórnar Sambandsins lagðar fram til kynningar.

Framlögð til kynningar fundargerð stjórnar Náttúrustofu Austurlands frá 5. febrúar 2025.