Bæjarráð

Ársreikningur tekinn til umfjöllunar milli umræðna í bæjarstjórn.
Bæjarráð felur bæjarstjóra ásamt sviðsstjóra fjármála- og greiningarsviðs að ganga frá ársreikningi til afgreiðslu bæjarstjórnar við síðari umræðu. Niðurstöður ársreiknings hafa ekki breyst milli umræðna.

Farið yfir úthlutanir úr Framkvæmdasjóði ferðamannastaða fyrir árið 2025 í verkefni í Fjarðabyggð. Þrjú verkefni fengu úthlutað styrk, Bleiksárfoss, Búðarárfoss og Streytishvarf, alls fengust um 100 m.kr. til framkvæmdanna.
Framlagt og kynnt, vísað til skipulags- og framkvæmdanefndar og skipulags- og framkvæmdasviðs til frekari vinnslu og framkvæmda.

Áframhald á umræðum frá síðasta fundi um úrgangsmál í Fjarðabyggð.
Bæjarráð felur sviðsstjóra skipulags- og framkvæmdasviðs að vinna áfram að undirbúningi.

Vísað frá síðasta fundi bæjarráðs til áframhaldandi umræðu niðurstöðu Héraðsdóms Austurlands vegna Hafnargötu 6 á Reyðarfirði.
Bæjarráð samþykkir að fela bæjarstjóra ásamt lögmanni sveitarfélagsins að ganga til samninga við eiganda eignarinnar um kaup hennar. Vísað til hafnarstjórnar. Samningur tekinn fyrir að nýju þegar hann liggur fyrir.

Farið yfir gang framkvæmda við lagningu ljósleiðar í þéttbýlum Fjarðabyggðar en framkvæmdir hófust í byrjun apríl.
Unnið er í tengingu ljósleiðara í öll heimili og fyrirtæki í þéttbýlum Breiðdals, Stöðvarfjarðar, Fáskrúðsfjarðar og Norðfjarðar í sumar og ganga framkvæmdir eftir áætlun. Þéttbýlin á Reyðarfirði og Eskifirði verða tengd á árinu 2026.

Framlagt erindi frá Rótarýklúbb Rangæinga sem biður hér með um styrk til að gera fyrstu rútu Austurleiðar hf.
Bæjarráð þakkar boðu um þátttöku í verkefninu en getur því miður ekki tekið þátt í því.

Umhverfis- og samgöngunefnd Alþingis sendir til umsagnar 270. mál - Jöfnunarsjóður sveitarfélaga.
Bæjarráð vísar til fyrri umsagna sinna vegna málsins og felur bæjarstjóra að senda umsögn inn vegna málsins.

Vísað frá skipulags- og framkvæmdanefnd til bæjarráðs umsagnarbeiðni Skipulagsstofnunar vegna kerfisáætlunar Landsnets um þróun og endurnýjun flutningskerfis raforku.
Bæjarráð samþykkir að fela bæjarritara að veitt umsögn vegna kerfisáætlunarinnar.

Framlagt til kynningar opið bréf til sveitastjórna um skaðsemi vindorkuvera á Íslandi frá þremur meðlimum Landverndar og Facebookhópnum Mótvindur Ísland.

Ársreikningur Náttúrustofu Austurlands 2024 lagður fram til kynningar.

Fundargerðir 2. og 3. fundar stjórnar Náttúrustofu Austurlands lagðar fram til kynningar.

Fundargerð 977. fundar stjórnar Sambands íslenskra sveitarfélaga lögð fram til kynningar.

Fundargerð hafnarstjórnar frá 28. apríl lögð fram til umfjöllunar og afgreiðslu.

Fundargerð skipulags- og framkvæmdanefndar frá 30. apríl lögð fram til umfjöllunar og afgreiðslu.