Bæjarráð

Upphafsfundur fjárhagsáætlunargerðar 2026, farið yfir fjárhagsáætlunarferlið með formönnum nefnda, sviðsstjórum og starfsmönnum sem koma að fjárhagsáætlunarferlinu.
Bæjarráð felur sviðsstjórum ásamt formönnum nefnda að hefja vinnu við fjárhagsáætlunargerðina 2026 í nefndum og með hlutaðeigandi starfsmönnum sviða.

Lagðar fram til afgreiðslu niðurstöður útboðs í framkvæmdina Leirubakki gatnagerð og veitulagnir.
Bæjarráð samþykkir að gengið verði til samninga við lægstbjóðanda og vísar erindi til afgreiðslu hafnarstjórnar.

Framlögð drög kaupsamnings milli Fjarðabyggðar og Machinery ehf. um kaup Hafnarsjóðs Fjarðabyggðar á fasteigninni að Hafnargötu 6 á Reyðarfirði, fasteignanúmer F2177464.
Bæjarráð samþykkir að fyrir sitt leyti kaup Hafnarsjóðs Fjarðabyggðar á fasteigninni og vísar kaupunum til hafnarstjórnar. Jafnframt er hafnarstjóra falið að ganga frá kaupunum og undirritun skjala þeim tengdum.

Vísað frá stjórn menningarstofu til afgreiðslu bæjarráðs uppfærðum samningi milli Fjarðabyggðar og Íslandshótela um samstarf í tengslum við safnið Frakkar á Íslandsmiðum.
Bæjarráð samþykkir samninginn og felur bæjarstjóra undirritun hans.

Fimmtudaginn 19. júní næstkomandi mun skútann Etoile leggjast að bryggju á Fáskrúðsfirði.
Fulltrúar Fjarðabyggðar mæta við móttöku á skipinu.

Framlagt bréf Lyfju um lokun apóteksins á Eskifirði.
Bæjarráð harmar ákvörðun Lyfju um að loka útibúi á Eskifirði. Bæjarstjóra er falið að koma mótmælum bæjarráðs á framfæri við forsvarsmenn Lyfju og ræða mögulegar úrbætur og ráðstafanir til að tryggja lyfjaþjónustu íbúa áfram, sérstaklega gagnvart þeim sem eiga erfitt með að sækja þjónustuna annað.

Farið yfir heimsókn fulltrúa Fjarðabyggðar á Íslandsdaga í Gravelines haustið 2025 og tilnefning fulltrúa nefndar um franska daga.
Bæjarráð kallar eftir tilnefningu nefndarinnar.

Framlagt boð Smyril line í tilefna af 50 ára afmæli ferjusiglinga ferju milli Seyðisfjarðar og Færeyja.

Framlagðar til kynningar fundargerðir stjórnar Austurbrúar og stjórnar Sambands sveitarfélaga á Austurlandi frá 25. apríl og 2. maí sl.

Fundargerð 978. fundar stjórnar Sambands íslenskra sveitarfélaga lögð fram til kynningar.

Fundargerð stjórnar menningarstofu frá 5. maí lögð fram til umfjöllunar og afgreiðslu.

Fundargerð starfshóps um nýtingu mannvirkja í eigu Fjarðabyggðar frá 8. maí lögð fram til umfjöllunar og afgreiðslu.