Bæjarráð

Framlagt bréf frá lögmanni Ríkissjóðs vegna þjóðlendukrafna en fallið hefur verið frá hluta þeirra krafna sem voru fram lagðar í upphaflegri kröfugerð ríkisins.
Kröfur Ríkissjóðs í lönd Fjarðabyggðar hafa verið dregnar til baka.

Framlögð til kynningar viljayfirlýsing Fjarðabyggðar vegna Life umsókn sem tengist Breiðdalssetri og rannsóknarsetri Háskólans á Breiðdalsvík og snýst um nýtingu fjarvarma.
Bæjarráð samþykkir viljayfirlýsinguna.

Farið yfir framgang viðræðna við Heilbrigðisstofnun Austurlands um viljayfirlýsingu vegna samstarfs í öldrunarmálum.

Fjallað um útboð í meðhöndlun úrgangs.
Bæjarstjóra og sérfræðingi á fjármálasviði falið að vinna málið áfram og leggja fyrir bæjarráð.

Vísað frá skipulags- og framkvæmdanefnd til afgreiðslu bæjarráðs tillögu stjórnanda byggingar-, skipulags- og umhverfisdeildar að uppfærðum forkaupsréttarlista fasteigna í sveitarfélaginu.
Bæjarráð frestar afgreiðslu listans og felur bæjarritara að yfirfara hann og leggja fyrir bæjarráð að nýju.

Fjallað um viðhorfskönnun til þjónustu sveitarfélagsins en undanfarin ár hefur Gallup mælt viðhorf íbúa til þjónustu stærstu sveitarfélaga landsins.
Bæjarráð samþykkir að taka ekki þátt í viðhorfskönnun á þessu ári.

Bæjarráð opnaði með formlegum hætti nýjan vef Fjarðabyggðar. Með vefnum er stigið stórt skref í átt að nútímalegri upplýsingagjöf og aukinni þjónustu við íbúa, fyrirtæki og aðra sem sækja sveitarfélagið heim.

Farið yfir ráðstafnir og aðgerðir til að fjarlægja bíla sem standa númerslausir og eru ekki ökuhæfir víðsvegar um sveitarfélagið.

Framlögð beiðni frá formanni Þorrablótsnefndar Reyðarfjarðar um styrk vegna þorrablóts Reyðfirðinga á árinu 2026.
Bæjarráð samþykkir að veita styrk móti afnotum af íþróttahúsinu á Reyðarfirði, tekið af liðnum óráðstafað 21690.

Framlagt erindi frá formanni Hjónaballsnefndar Fáskrúðsfjarðar þar sem óskað er eftir styrk til greiðslu fyrir afnot af félagsheimilinu Skrúð vegna árlegs hjónaballs 2026.
Bæjarráð samþykkir að veita styrk móti afnotum af Félagsheimilinu Skrúð á Fáskrúðsfirði, tekið af liðnum óráðstafað 21690.

Framlagt boð á ársfund Jöfnunarsjóðs sveitarfélaga sem haldinn verður 1. október.
Bæjarráð samþykkir að fulltrúar sveitarfélagsins mæti á fundinn.

Fundargerð 984. fundar stjórnar Sambands íslenskra sveitarfélaga lögð fram til kynningar.