Bæjarráð

Sviðsstjóri skipulags- og framkvæmdasviðs fór yfir stöðu framkvæmda og viðhalds ársins hjá Fjarðabyggð og stofnunum.

Framlagt minnisblað með tillögu um viðgerð á þaki Grunnskóla á Breiðdalsvík.
Bæjarráð samþykkir tillögu um endurbætur á þaki skólans og felur skipulags- og framkvæmdasviði að hefja verkið sem fyrst.

Framlögð til kynningar drög að innri samantekt yfir veikindalaun janúar - júní 2025.

Vísað frá fjölskyldunefnd til afgreiðslu bæjarráðs beiðni um fjárheimildir vegna tölvukaupa á árinu 2025 vegna nauðsynlegrar uppfærslu á búnaði.
Bæjarráð samþykkir tillögu um endurnýjun búnaðarins og vísar kostnaði til gerðar viðauka við fjárhagsáætlun ársins 2025.

Framlagt erindi kærunefndar útboðsmála vegna kæru UHA umhverfisþjónustu ehf. vegna útboðs Fjarðabyggðar á úrgangsþjónustu í Fjarðabyggð 2026 til 2029.
Bæjarráð felur bæjarstjóra ásamt lögmanni sveitarfélagsins að bregðast við kærunni og vinna málið áfram.

Framlögð til kynningar gögn vegna hátæknibrennslustöðvar sem hugmyndir eru uppi um að nýta til förgunar á úrgangi.
Bæjarráð felur bæjarstjóra að undirbúa viljayfirlýsingu vegna væntanlegs undirbúningsfélags um stofnun hátæknibrennslustöðvar og leggja málið að nýju fyrir bæjarráð.

Framlagt erindi frá Helgu Rún Jóhannsdóttur um gerð Padel vallar í eldri íþróttasalnum í íþróttahúsinu á Reyðarfirði.
Bæjarráð tekur vel í erindið og vísar því til fjölskyldunefndar.

Framlögð auglýsing Ferðamálastofu þar sem auglýst er eftir styrkjum til uppbyggingar ferðastaða úr framkvæmdasjóði ferðamannastaða.
Bæjarráð felur sviðsstjóra skipulags- og framkvæmdasviðs að vinna að umsóknum í sjóðinn vegna framkvæmda á árinu 2026 ásamt því að vísa málinu til umfjöllunar í skipulags- og framkvæmdanefnd.

Fundargerð 985. fundar stjórnar Sambandsins lögð fram til kynningar.

Framlögð til umfjöllunar og afgreiðslu fundargerð fjölskyldunefndar frá 29. september.

Framlögð til umfjöllunar og afgreiðslu fundargerð skipulags- og framkvæmdanefndar frá 1. október.

Framlögð til umfjöllunar og afgreiðslu fundargerð öldungráðs frá 12. júní.

Framlögð til umfjöllunar og afgreiðslu fundargerð öldungráðs frá 29. september.