Bæjarráð

Framlagt erindi Kærunefndar útboðsmála vegna framhaldskæru UHA úrgangsþjónustu ehf. vegna útboðs á úrgangsþjónustu í Fjarðabyggð 2026 til 2029.
Bæjarráð felur bæjarstjóra í samstarfi við lögmann sveitarfélagsins að bregðast við kærunni.

Fjallað um málefni tónlistarskólans og húsnæði Nesskóla.
Bæjarráð felur skipulags- og framkvæmdasviði að gera nánari úttekt á húsnæði skólans og sérstaklega að yfirfara gólfplötu kjallara eldri byggingar. Úttektin lögð fyrir bæjarráð.

Húsnæðis og mannvirkjastofnun óskar eftir endurskoðun húsnæðisáætlanir Fjarðabyggðar fyrir árið 2026.
Bæjarráð felur sviðsstjóra fjármála- og greiningarsviðs að uppfæra áætlun sveitarfélagsins og leggja fyrir bæjarráð.

Farið yfir móttöku nýrra íbúa. Framlögð drög að bæklingi sem sendur verður nýjum íbúum með reglubundnum hætti.
Bæjarráð samþykkir tillögu að útfærslu á móttöku nýrra íbúa.

Vísað frá bæjarstjórn til umfjöllunar í bæjarráði erindi Náttúruhamfaratryggingu Íslands vegna bygginga á þekktum áhættusvæðum.
Bæjarráð felur bæjarstjóra að funda með forstjóra Náttúruhamfaratrygginga Íslands og leggja niðurstöður þess fundar fyrir bæjarráð.

Endurskoðun byggðaáætlunar lögð fram til kynningar.
Bæjarráð felur bæjarstjóra að vinna drög að umsögn um byggðaáætlun og leggja fyrir bæjarráð.

Boðað eru til Byggðaráðstefnunnar 2025 sem haldin verður þriðjudaginn 4.nóvember 2025 í Skjólbrekku í Mývatnssveit. Ráðstefnan er undir yfirskriftinni er félagslegur fjölbreytileiki samfélaga, jafnvægi, áskoranir eða vannýtt sóknarfæri?
Bæjarráð felur forseta bæjarstjórnar að mæta á ráðstefnuna.

Framlögð beiðni frá Verkmenntaskóla Austurlands vegna tæknidags fjölskyldunnar þar sem óskað er eftir stuðningi til greiðslu húsaleigu vegna íþróttahússins á Norðfirði. Verkmenntaskóli Austurlands heldur daginn í ellefta skipti en skólinn á 40 ára afmæli á næsta ári.
Bæjarráð samþykkir að styrkja tæknidaginn með sama hætti og verið hefur sem nemur kostnaði við afnot af íþróttahúsinu og þátttöku málasviða sveitarfélgsins á deginum.

Framlögð til kynningar fundargerð aðalfundar Fiskiræktar og veiðifélags Norðfjarðarár.

Framlögð til kynningar tillaga til þingsályktunar um leit að olíu og gasi og að Alþingi álykti að hafnar verði að nýju markvissar rannsóknir á olíu- og/eða gaslindum á landgrunni Íslands og ríkisolíufélag verði sett á laggirnar.
Bæjarráð felur bæjarritara að senda inn umsögn á grundvelli fyrri bókana um málið.

Framlagt til umsagnar frumvarp vegna kílómetragjalds á ökutæki sem er lagt fyrir Alþingi að nýju.
Bæjarráð felur bæjarritara að veita umsögn um frumvarpið á grunni fyrri umsagna um málið.

Lagður fram til kynningar tölvupóstur frá framkvæmdastjórn Kvennaárs 2025 vegna 50 ára afmælis kvennafrídagsins.
Bæjarráð samþykkir að starfsfólki sveitarfélagsins verði gefinn kostur á að taka þátt í viðburðum sem tengjast deginum og stjórnendum falið að útfæra fyrirkomulagið með tilliti til þjónustu stofnana.

Fundargerð hafnarstjórnar frá 6. október lögð fram til umfjöllunar og afgreiðslu.

Fundargerð stjórnar menningarstofu frá 6. október lögð fram til umfjöllunar og afgreiðslu.

Framlögð til umfjöllunar og afgreiðslu fundargerð skipulags- og framkvæmdanefndar frá 9. október.