Bæjarstjórn

Fram lagður ársreikningur 2013 fyrir Fjarðabyggð og stofnanir til fyrri umræðu í bæjarstjórn.
Þennan dagskrárlið fundar sátu jafnframt fjármálastjóri og endurskoðandi sveitarfélagsins.
Bæjarstjóri fylgdi ársreikningi úr hlaði með greinargerð sinni.
Til máls tóku: Jón Björn Hákonarson, Jens Garðar Helgason, Elvar Jónsson.
Bæjarstjórn samþykkir með 9 atkvæðum að vísa ársreikningi Fjarðabyggðar og stofnana fyrir árið 2013 til síðari umræðu í bæjarstjórn.

Fundargerðir bæjarráðs teknar til umfjöllunar og afgreiðslu saman.
Til máls tóku: Jens Garðar Helgason, Eydís Ásbjörnsdóttir, Valdimar O Hermannsson, Esther Ösp Gunnarsdóttir, Sævar Guðjónsson, Ásta Kristín Sigurjónsdóttir, Elvar Jónsson.
Fundargerð bæjarráðs frá 24. mars staðfest með 9 atkvæðum.

Fundargerðir bæjarráðs teknar til umfjöllunar og afgreiðslu saman.
Fundargerð bæjarráðs frá 31. mars að undanskildum lið 3.8. staðfest með 9 atkvæðum.

Fundargerðir bæjarráðs teknar til umfjöllunar og afgreiðslu saman.
Fundargerð bæjarráðs frá 7. apríl staðfest með 9 atkvæðum.

Fundargerðir eigna-, skipulags- og umhverfisnefndar teknar til umfjöllunar og afgreiðslu saman.
Til máls tóku: Sævar Guðjónsson, Páll Björgvin Guðmundsson, Esther Ösp Gunnarsdóttir, Guðmundur Þorgrímsson, Elvar Jónsson, Jens Garðar Helgason.
Fundargerð eigna-, skipulags- og umhverfisnefndar frá 24. mars að undaskildum liðum 3 og 4. staðfest með 9 atkvæðum.

Fundargerðir eigna-, skipulags- og umhverfisnefndar teknar til umfjöllunar og afgreiðslu saman.
Fundargerð eigna-, skipulags- og umhverfisnefndar frá 3. apríl staðfest með 9 atkvæðum.
Bókun Fjarðarlista vegna liðar 3 í fundargerð.
Við undirrituð, bæjarfulltrúar Fjarðalistans, getum ekki samþykkt tillögu að deiliskipulagi Neseyrar. Ástæða þess er sú að ekki er gert ráð fyrir færslu Nesgötu suður fyrir fyrirhugaða leikskólabyggingu. Elvar Jónsson, Eydís Ásbjörnsdóttir, Esther Ösp Gunnarsdóttir (sign)

Til máls tóku: Sævar Guðjónsson, Ásta Kristín Sigurjónsdóttir.
Fundargerð fræðslu- og frístundanefndar frá 1. apríl staðfest með 9 atkvæðum.

Enginn tók til máls.
Fundargerð hafnarstjórnar frá 25. mars staðfest með 9 atkvæðum.

Til máls tók Sævar Guðjónsson.
Fundargerð atvinnu- og menningarnefndar frá 26. mars staðfest með 9 atkvæðum.

Forseti bæjarstjórnar fylgdi tillögunni úr hlaði.
Bæjarráð samþykkti tillögu eigna-, skipulags- og umhverfisnefndar um hönnun og útboð á nýjum leikskóla í Neskaupstað. Nefndin leggur til að lokið verði við hönnun og boðin út 8 deilda leikskóli í Neskaupstað. Með tillögunni er tryggt að byggður sé leikskóli útfrá núverandi þörf og væntingum um stækkandi samfélag á Norðfirði. Vísað til staðfestingar bæjarstjórnar.
Enginn tók til máls.
Bæjarstjórn samþykkir með 9 atkvæðum að hafin verði hönnun og boðinn út nýr 8 deilda leikskóli í Neskaupstað í samræmi við tillögur starfshóps um byggingu skólans.

Forseti bæjarstjórnar lagði fram tillögu vegna endurskoðun samþykkta Sambands sveitarfélag á Austurlandi.
Bæjarstjórn Fjarðabyggðar tekur undir þær athugasemdir sem fram koma í minnisblaði vegna endurskoðunar á samþykktum SSA. Margar af þeim breytingartillögum sem lagðar eru til í endurskoðuninni eru vissulega til bóta en þó vill bæjarstjórn taka fram að hún telur ekki rétt að fella niður ákvæði um skiptingu sambandssvæðisins í tvö þjónustusvæði ásamt breytingu á fjölda fulltrúa sveitarfélaga á aðalfundi svo helstu athugasemdir séu nefndar.
Bæjarstjórn felur bæjarritara að ganga frá erindi til stjórnar SSA með athugasemdum en fjallað verður um breytingar á samþykktunum á aðalfundi SSA á hausti komanda.
Til máls tóku: Jens Garðar Helgason, Elvar Jónsson.
Tillagan samþykkt með 9 atkvæðum.

Forseti bæjarstjórnar fylgdi reglunum úr hlaði.
Úthlutunarreglur vegna dvalar í Jensenshúsi. Atvinnu- og menningarnefnd hefur samþykkt reglurnar. Vísað til staðfestingar í bæjarstjórn.
Enginn tók til máls.
Reglurnar staðfestar með 9 atkvæðum.

Bæjarráð vísar skipan í undirkjörstjórnir til bæjarstjórnar.
Forseti bæjarstjórnar fór yfir skipun kjörstjórna og breytingar frá fyrri skipan.
Til máls tók Esther Ösp Gunnarsdóttir.
Bæjarstjórn samþykkir með 9 atkvæðum að Andrea Borgþórsdóttir taki sæti Dagbjartar Láru Ottósdóttur í kjörstjórn á Reyðarfirði, Solveig Friðriksdóttir taki sæti Þórönnu Snorradóttur sem varamanns í kjörstjórn á Stöðvarfirði og Margrét Sigfúsdóttir taki sæti Heiðar W Johnes sem varamanns í kjörstjórn á Mjóafirði.

Forseti bæjarstjórnar fylgdi tillögu um auglýsingu breytingu aðalskipulags úr hlaði.
Fram lögð tillaga um breytingu á Aðalskipulagi Fjarðabyggðar 2007-2027 vegna breyttrar landnotkunar á Eyri í Reyðarfirði.
Breyting aðalskipulags gerir ráð fyrir sérhæfðu 112 ha iðnaðar- og hafnarsvæði fyrir uppbyggingu hafnar- og hafnsækinnar starfsemi t.d. vegna olíuleitar, umskipunar eða geymslu olíubirgða.
Enginn tók til máls.
Bæjarstjórn samþykkir með 9 atkvæðum að auglýsa breytingar á aðalskipulagi ásamt umhverfisskýrslu.

Forseti bæjarstjórnar fylgdi skipulags og matlýsingu úr hlaði.
Enginn tók til máls.
Bæjarstjórn samþykkir með 9 atkvæðum framlagða skipulags- og matslýsingu vegna fyrirhugaðra skipulagsbreytinga á Aðalskipulagi Fjarðabyggðar 2007-2027, dreyfbýlisuppdrætti, vegna fyrirhugaðrar stækkunar akstursíþróttasvæðis og nýs skotsvæðis vestan Bjarga í Reyðarfirði.

Forseti bæjarstjórnar fylgdi deiliskipulagstillögunni úr hlaði.
Til máls tóku: Elvar Jónsson, Jón Björn Hákonarson, Jens Garðar Helgason.
Bókun Fjarðalistans:
Við undirrituð, bæjarfulltrúar Fjarðalistans, getum ekki samþykkt tillögu að deiliskipulagi Neseyrar. Ástæða þess er sú að ekki er gert ráð fyrir færslu Nesgötu suður fyrir fyrirhugaða leikskólabyggingu á Norðfirði. Færsla vegarins er mikið forgangsmál, að mati undirritaðra, út frá öryggis-, skipulags- og fjárhagslegum sjónarmiðum og er þessi skoðun m.a í samræmi við einróma álit og greinargerð fræðslu- og frístundanefndar. Þrátt fyrir að hafa fært ítrekað fyrir þessu rök á fundum bæjarsjórnar hefur undirrituðum ekki orðið ágengt í því að fá færslu vegarins inn á áætlanir og skipulag. Að öðru leyti vísum við til bókana fulltrúa Fjarðalistans í bæjarstjórn (m.a. á fundum nr.122, nr.123, nr.142, nr.144, nr.149), bæjarráði (m.a. nr.314 og nr.365) og eigna,- skipulags- og umhverfisnefnd (m.a. nr. 80 og 85) og málflutnings okkar í umræðum í bæjarstjórn, m.a varðandi stækkunarmöguleika leikskólabyggingarinnar en við teljum færslu vegarins alls ekki þurfa að koma í veg fyrir þá möguleika.
Elvar Jónsson, Eydís Ásbjörnsdóttir, Esther Ösp Gunnarsdóttir (sign)

Bæjarstjórn samþykkir með 6 atkvæðum deiliskipulag Neseyrar á Norðfirði, skipulagsuppdráttur með greinagerð dags. 27. janúar 2014 breytt 3. apríl 2014, með þeim breytingum sem fram koma á uppdrætti og í umsögn skipulags- og byggingarfulltrúa dags. 31. mars 2014. Málsmeðferð verði í samræmi við 42. gr. skipulagslaga þegar gögn hafa verið lagfærð í samræmi við samþykkt. Á móti eru Elvar Jónsson, Esther Ösp Gunnarsdóttir og Eydís Ásbjörnsdóttir.

Forseti bæjarstjórnar fylgdi skipulags- og matslýsingu úr hlaði.
Enginn tók til máls.
Bæjarstjórn samþykkir með 9 atkvæðum framlagða skipulags- og matslýsing vegna fyrirhugaðs deiliskipulags aksturs- og skotíþróttasvæðis vestan Bjarga á Reyðarfirði.