Eigna- skipulags- og umhverfisnefnd

Lögð fram til kynningar fundargerð 5. verkfundar sem haldinn var 30. október 2015.

Lagður fram tövlupóstur frá Vegagerðinni, dagsettur 30. október 2015, varðandi breytingu á áningastað við Kirkjuból.
Eigna- skipulags- og umhverfisnefnd samþykkir fyrir sitt leyti að áningastaðurinn verði færður eins og óskað er eftir og felur skipulags- og byggingarfulltrúa að vinna málið áfram í samráði við Vegagerðina.

Lagt fram bréf frá Skipulagsstofnun, dagsett 29. október 2015, þar sem óskað er umsagnar um tillögu að matsáætlun ofanflóðavarna neðan Nes- og Bakkagils á Norðfirði.
Eigna- skipulags- og umhverfisnefnd gerir ekki athugasemdir við matsáætlunina.

Lagt fram bréf frá Skipulagsstofnun, dagsett 29. október 2015, þar sem óskað er umsagnar um tillögu að matsáætlun ofanflóðavarna neðan Urðarbotna og Sniðgils á Norðfirði.
Eigna- skipulags- og umhverfisnefnd gerir ekki athugasemdir við matsáætlunina.

Farið yfir skilti og merkingar í Fjarðabyggð.
Eigna- skipulags- og umhverfisnefnd felur mannvirkjastjóra að ræða við Vegagerðina um upplýsingaskilti og jafnframt sendir erindið til umfjöllunar í menningar- og safnanefnd. Nefndin samþykkir að í framkvæmdaáætlun fyrir árið 2016 verði farið í frekari merkingar.

Lagður fram tölvupóstur frá Aðalheiði Vilbergsdóttir, dagsettur 6. október 2015, varðandi skipulags- og öryggismál á Heiðarvegi. Tekið fyrir á 129. fundi ESU.
Eigna-, skipulags- og umhverfisnefnd fór yfir tillögu mannvirkjastjóra að lausn málsins og samþykkir hana fyrir sitt leyti. Nefndin felur honum að vinna málið áfram.

Lagt fram bréf frá Sigga Jenssyni varðandi skemmdir á vegg af völdum snjóruðnings.
Eigna-, skipulags- og umhverfisnefnd felur mannvirkjastjóra að svara bréfritara.

Eigna-, skipulags- og umhverfisnefnd mun taka að sér hlutverk vinnuhóps um göngu- og hjólreiðastíga og mun leita umsagna sem víðast. Nefndin felur mannvirkjastjóra að hefja vinnu við kortlagningu stíga í Fjarðabyggð.

Erindi íbúasamtaka á Reyðarfirði þar sem sótt er um leyfi til að setja upp minigolfvöll og jafnframt að Fjarðabyggð útvegi starfsmann til að aðstoða við uppsetningu.
Eigna-, skipulags- og umhverfisnefnd hafnar erindinu en felur mannvirkjastjóra að ræða við fulltrúa íbúasamtakana um aðrar hugsanlegar staðsetningar.

Lögð fram gögn frá Þjóðminjasafni Íslands, dagsett 5. nóvember 2015, varðandi þjónustuhús og aðstöðuhús fyrir vörð við Sómastaði.
Eigna- skipulags- og umhverfisnefnd samþykkir framlagðar tillögur og felur mannvirkjastjóra að vinna málið áfram.

Lagt fram bréf bæjarstjóra til eigna- skipulags- og umhverfisnefndar er varðar fjárhagsáætlun 2016.
Eigna- skipulags- og umhverfisnefnd ræddi tillögurnar, fól mannvirkjastjóra að vinna málið áfram og mun fjalla áfram um það á næsta fundi nefndarinnar.