Eigna- skipulags- og umhverfisnefnd

Lagðar fram upplýsingar til kynningar um aðalfund Samorku.
Fulltrúi sviðsins mætir á aðalfund Samorku.

Lagðar fram hugmyndir Halldóru Birtu Sigfúsdóttur um hjólastíg í Fjarðabyggð en um er að ræða stutta ritgerð sem hún fékk nýlega viðurkenningu fyrir.
Erindi Halldóru birtu er vísað til vinnuhóps sem er að vinna að framtíðarskipulagi hjólreiða- og göngustíga í Fjarðabyggð.

Leiðarlýsingarnar eru byggðar á gps punktum, með kortagrunni frá Samsýn og auk þess eru
upplýsingapunktar á leiðinni sem veita upplýsingar um það sem ástæða þykir til að segja frá s.s. um lífríki,
jarðfræði, örnefni eða annað sögulegt sem tengist umhverfinu.
Ég verð fyrir austan í lok vikunnar og vildi kanna hvort það væri mögulegt að hitta á ykkur eftir hádegi á
fimmtudag til að ræða mögulegt samstarf? Mér finnst mikilvægt að vinna að þessu verkefni í samstarfi við
sveitarfélögin og miðla gönguleiðum samkvæmt forgangsröðun þeirra.
Nefndin tekur vel í erindið og felur sviðstjóra að ræða við bréfritara um framhald málssins

Óskað er eftir áliti og aðkomu Fjarðabyggðar að fyrirhugaðri uppsetningu á upplýsingaskilti um hvalstöðina við Fögrueyri, við Suðurfjarðaveg í Fáskrúðsfirði. Fagraeyri er niðri við sjó á jörð Víkurgerðis, milli Víkur og Eyrar. Umrætt skilti kæmi til með að standa á uppflyllingu fyrir neðan veg eða við vegslóða sem er til staðar niður á eyrina. Vegsýn á svæðinu er mjög góð og ekki nærliggjandi blindhæð eða blindbeygja. Til greina kemur að koma upp upplýsingaskilti um áhugaverðan stað 200 metrum frá fyrirhuguðu upplýsingaskilti.
Nefndin tekur jákvætt í erindið og óskar eftir umsögn menningar- og safnanefnd um merkingu sögustaða í Fjarðabyggð.

Til kynningar

Til kynningar

kynning á framkvæmdum og verkefnum sviðsins.
Stærstu verkefnin eru bygging leikskólans í Neskaupstað og að halda utan um óveðurtjónin í dag.

Eigna-, skipulags- og umhverfisnefnd samþykkir fyrir sitt leyti breytingu á deiliskipulagi Leiru 1, iðnaðar- og hafnarsvæðis sunnan Strandgötu, skipulagsuppdráttur með greinargerð, dags. 22 janúar 2016.
Málsmeðferð verði í samræmi við 42. gr. skipulagslaga.
Endanlegri afgreiðslu er vísað til bæjarstjórnar.

Lögð fram til kynningar, á vinnslustigi, tillaga að breytingu á Aðalskipulagi Fljótsdalshéraðs 2008-2028 þar sem gert er ráð fyrir stækkun á flugvallarsvæði Egilsstaðarflugvallar.

Lögð fram byggingarleyfisumsókn Einars Sveins Sveinssonar, dagsett 12. janúar 2016, þar sem sótt er um leyfi að byggja 6 m2 og 15 m3 viðbyggingu yfir svalir við hús hans að Blómsturvöllum 34 á Norðfirði ásamt því að byggja nýjar svalir vestan við núverandi svalir.
Eigna-, skipulags- og umhverfisnefnd samþykkir byggingaráformin og felur skipulags- og byggingarfulltrúa að gefa út leyfi þegar öll tilskilin gögn liggja fyrir

Grenndarkynningu, vegna byggingarleyfisumsóknar Marinós Stefánssonar fh. Fjarðabyggðar, dagsett 12. nóvember 2015, þar sem sótt var um leyfi að flytja Gamla Lúðvíkshúsið af núverandi lóð á Nesgötu á nýja lóð að Þiljuvöllum 13 á Norðfirði, er lokið.
Engar athugasemdir bárust.
Samþykkt var að grenndarkynna umsóknina á 132. fundi nefndarinnar.
Eigna-, skipulags- og umhverfisnefnd samþykkir byggingaráformin og felur skipulags- og byggingarfulltrúa að gefa út leyfi þegar öll tilskilin gögn liggja fyrir.

Lögð fram byggingarleyfisumsókn Pjeturs St. Arasonar ásamt greinagerð, dagsett 20. janúar 2016, þar sem sótt er um leyfi til að staðsetja gám við hús hans að Hlíðargötu 1a á Norðfirði sem garðskála og stoðvegg.
Eigna-, skipulags- og umhverfisnefnd samþykkir byggingaráformin og felur skipulags- og byggingarfulltrúa að gefa út leyfi þegar öll tilskilin gögn liggja fyrir.

Lögð fram efnistökuumsókn Einars Más Einarssonar, Verkís fh. Landsnets hf, dagsett 22. janúar 2016, þar sem óskað er eftir leyfi til að taka 1.200 m3 af efni úr eyrum Sléttuár í Reyðarfirði. Samþykki landeiganda og Fiskistofu liggja fyrir.
Eigna-, skipulags- og umhverfisnefnd samþykkir að efnistaka verði leyfð og felur skipulags- og byggingarfulltrúa að gefa út leyfið.

Lagður fram tölvupóstur Margrétar Konráðsdóttur fh. Skútubergs ehf, dagsettur 23. desember 2015 og 13. janúar 2016, þar sem sótt er um að lóðarleigusamningur fyrir Ægisgötu 9 á Reyðarfirði verði endurnýjaður. Á lóðinni eru sementstankar.
Erindinu var frestað á 135. fundi nefndarinnar.
Eigna-, skipulags- og umhverfisnefnd felur skipulags- og byggingarfulltrúa í samráði við bæjarstóra að afla frekari upplýsinga hjá fyrirtækinu.

Lagt fram til kynningar bréf Umhverfisstofnunar, dagsett 15. janúar 2016, þar sem vakin er athygli á því að í gildi eru lög og reglugerð sem varða auglýsingar utan þéttbýls.

Lagt fram bréf frá Sambandi íslenskar sveitarfélaga, dagsett 8.janúar 2016, vegna vinnu um samræmda lóðar afmörkun.
Eigna-, skipulags- og umhverfisnefnd gerir ekki athugasemd við nálgun Sambandsins.

Lögð fram til kynningar yfirlýsing Mannvirkjastofnunar, dagsett 13. janúar 2016, vegna aðkomu stofnunarinnar að yfirferð hönnunargagna tengdum byggingarleyfi Alcoa Fjarðaáls.

Lögð fram stöðuleyfisumsókn Ara Benediktssonar/Mannvits hf fh. Eimskips dagsett 25. janúar 2016 þar sem sótt er um stöðuleyfi fyrir starfsmannaaðstöðu í gámaeiningum innan hafnarsvæðis Mjóeyrarhafnar.
Nefndin samþykkir endur útgáfu stöðuleyfis til tólf mánaða, en óskar eftir að hafnarstjórn noti árið til að skipuleggja í samráði við hagsmunaraðila á svæðinu framtíðarlausn að aðstöðu fyrir starfsmenn á hafnarsvæðinu við Mjóeyrarhöfn, hvort sem um er að ræða verktaka eða starfsmenn hafnarinnar.

Gámaþjónusta Austurlands - Sjónarás ehf sótti um lóð nr. 6 við Hraun þann 18. desember 2014 og er umsóknin fallin úr gildi í dag. Fyrirtækið hefur óskað eftir að hafa forgang að lóðinni fram undir árslok 2016.
Eigna-, skipulags- og umhverfisnefnd mælir með að við beiðninni verði orðið en komi umsókn um lóðina á tímabilinu verði Gámaþjónusta Austurlands - Sjónarás að svara strax hvort þeir hyggist taka lóðina.
Endanlegri afgreiðslu er vísað til bæjarráðs.