Eigna- skipulags- og umhverfisnefnd

Umhverfisstjóri leggur fyrir fundinn drög að samþykkt um fiðurfé í Fjarðabyggð. Unnið var að samþykktinni í samstarfi við Heilbrigðiseftirliti Austurlands sem er eftirlitsaðili á ákvæðum samþykktarinnar sé framfylgt.
Eigna-, skipulags- og umhverfisnefnd felur umhverfisstjóra að vinna áfram að samþykkt um fiðurfé í samræmi við umræður á fundinum.

Umhverfisstjóri kynnti fyrir eigna-, skipulags- og umhverfisnefnd erindi frá dr. Sigríði Kristjánsdóttur, lektor í skipulagsfræðum við Landbúnaðarháskóla Íslands, þar sem hún óskaði eftir samstarfi við Fjarðabyggð.
Eigna-, skipulags- og umhverfisnefnd samþykkir að taka þátt í verkefninu með vinnuframlagi allt að 40 klst á ári, tengiliðir við verkefnið verða Anna Berg Samúelsdóttir umhverfisstjóri og Helga Guðrún Jónasdóttir atvinnu- og þróunarstjóri.

Umhverfisstjóri kynnti drög að stjórnunar- og verndaráætlun fyrir Hólmanes friðland og fólkvang. Kynningarfrestur á þessum drögum er til 29. desember nk. Eigna-, skipulags- og umhverfisnefnd samþykkir drögin fyrir sitt leyti og felur umhverfisstjóra að láta auglýsa þau til umsaganar á vef Fjarðabyggðar.

Umhverfisstjóri sagði frá ferð sinni á ársfund Umhverfisstofunnar, náttúruverndarnefndar sveitarfélaga og forstöðumanna náttúrustofa. Einnig kynnti umhverfisstjóri málefni sem var rætt á ársfundi sem snýr að umsjónaraðila friðlýstrasvæða og Umhverfisstofunar.

Lagt fram bréf Heimis Hjálmarssonar, Hjálmars Heimissonar og Kristínar Hönnu Hauksdóttur, dagsett 11. október 2016, þar sem óskað er eftir endurnýjun lóðarleigusamnings lóðar þeirra að Skólavegi 12 á Fáskrúðsfirði. Lögð fram tillaga að lóðarblaði.
Eigna-, skipulags- og umhverfisnefnd samþykkir að lóðarleigusamningur verði endurnýjaður í samræmi við lóðarblað.

Lagt fram bréf Alberts Kemp, dagsett 13. september 2016, þar sem óskað er eftir endurnýjun lóðarleigusamnings lóðar hans að Skólavegi 14 á Fáskrúðsfirði. Lögð fram tillaga að lóðarblaði. Lagt fram bréf KRST lögmanna, dagsett 14. nóvember 2016, vegna lóðarmála Skólavegar 14.
Eigna-, skipulags- og umhverfisnefnd samþykkir að lóðarleigusamningur verði endurnýjaður í samræmi við lóðarblað.

Lagt fram bréf Sæþórs Sigursteinssonar, dagsett 12. september 2016, þar sem óskað er eftir endurnýjun lóðarleigusamnings lóðar hans að Blómsturvöllum 3 á Norðfirði. Lögð fram tillaga að lóðarblaði.
Eigna-, skipulags- og umhverfisnefnd samþykkir að lóðarleigusamningur verði endurnýjaður í samræmi við lóðarblað.

Lagt fram bréf Kristínar Hávarðardóttur og Ásgeirs Jónssonar, dagsett 11. október 2016, þar sem óskað er eftir endurnýjun lóðarleigusamnings lóðar þeirra að Blómsturvöllum 5 á Norðfirði. Lögð fram tillaga að lóðarblaði.
Eigna-, skipulags- og umhverfisnefnd samþykkir að lóðarleigusamningur verði endurnýjaður í samræmi við lóðarblað.

Lögð fram umsókn Emils K Thoarensen fh. Ábata ehf, dagsett 17. október 2016, þar sem óskað er eftir heimild til að breyta Strandgötu 78 á Eskifirði fyrir hótel og gistiaðstöðu. Strandgata 78 er innan reits Í9/A6 samkvæmt aðalskipulagi. Lagt fram minnisblað skipulags- og byggingarfulltrúa, dagsett 24. október 2016. Lögð fram umsögn Veðurstofu Íslands vegna endurskoðunar á hættumati við Hlíðarendaá.
Að fenginni umsögn Veðursstofu Íslands telur eigna-, skipulags- og umhverfisnefnd að hótel og gistiaðstaða samræmist skipulagsskilmálum svæðisins og legst ekki gegn breyttri notkun.

Erindi skipulagsstofnunar um frumathugun fyrir ofanflóðaframkvæmdir í Nes- og Bakkagili sem og Urðabotna og Sniðgil, lagt fram til kynningar.

Erindi frá Knattspyrnufélags Fjarðabyggðar er varaðar uppbyggingaráætlun fyrir knattspyrnuleikvöll á Eskifirði vísað frá íþrótta- og tómstundarnefnd.
Eigna-, skipulags- og umhverfisnefnd þakkar erindið og mun taka það til umfjöllunar á næstunni.

Fundargerð aðalfundar heilbrigðisnefnd Austurlands lögð fram til kynningar.