Eigna- skipulags- og umhverfisnefnd

Lagt fram minnisblað umhverfisfulltrúa, dagsett 14. febrúar 2012, vegna úrgangsmagns í Fjarðabyggð árið 2012 ásamt skýrslu frá Íslenska gámafélaginu ehf. sama efnis. Jafnframt er lögð fram áætlun umhverfisfulltrúa, dagsett 14. febrúar 2013, um aukna flokkun í sveitarfélagnu.

Nefndin leggur áherslu á að farið verði að vinna samkvæmt meðfylgjandi áætlun sem fyrst, þannig að þessari þróun í flokkun verði snúið við sem allra fyrst. En í heldina hefur hlutfall úrgangs grænu tunnunnar í Fjarðabyggð dregist saman um 2%, var 16% árið 2011 en 14 % árið 2012.

Lögð fram tillaga framkvææmdasviðs, dagsett 21. febrúar 2013, um uppsetningu á vorbækilninig sviðsins 2013.

Nefndin óskar eftir því að í bæklingnum verði einnig fjallað um umhverfisviðurkenningar fyrir fyrirtæki. Að öðru leyti gerir nefndin ekki athugasemdir við efni Vorbæklings 2013.

Framkvæmdastjórn SSA samþykkti í desember 2012 að auglýsa eftir tillögum að merki (logo) og nafni fyrir almenningssamgöngukerfi á Austurlandi. Starfshópur á vegum allra sveitarfélaga á Austurlandi skipaði dómnefnd sem valdi úr innsendum tillögum. Dómnefndin hefur lokið störfum sínum og valið tillögu að merki (logo) og nafni fyrir almenningssamgöngurnar á Austurlandi. Vinningstillagan er hér með lögð fram kynningar og staðfestingar.

Nefndin samþykkir fyrir sitt leyti að nota þessar tillögur fyrir almenningssamgöngur á Austurlandi.

Lagt fram til kynningar svarbréf mannvirkjastofnuar, dagsett 14. febrúar 2013, vegna bréf byggingarfulltrúa Fjarðabyggðar varðandi myglusveppi í íbúðarhúsnæðum á Reyðarfirði. Einnig lögð fram úttektarskýrsla, dagsett desember 2012, sem unnin var fyrir ÍAV hf. af starfsmönnum fyrirtækisins.

Lagður fram tölvupóstur, dagsettur 7. maí 2012, frá Tónspil ehf., þar sem farið er fram á að skoðað verði misræmi í lóðamörkum Hafnarbrautar 22 og 24. Einnig lagt fram minnisblað frá Sókn lögmannsstofu, dagsett 21. febrúar 2013, vegna lóðarleigusamninga almennt.

Nefndin felur sviðinu að hefja deiliskipulagsgerð miðbæjarsvæðis á Norðfirði, þar sem farið verður yfir lóðarmörk allra lóða á svæðinu í því ferli. Skipulagssvæðið er neðan Melagötu að sundlaugarlóð og Safnahúsi í austri og neðan Miðstrætis.

Eigna-, skipulags- og umhverfisnefnd samþykkir fyrir sitt leyti að láta breyta Aðalskipulagi Fjarðabyggðar 2007-2027, þéttbýlisuppdrætti fyrir Stöðvarfjörð vegna fyrirhugaðra framkvæmda við höfnina á Stöðvarfirði. Jafnframt samþykkir nefndin fyrir sitt leyti framlagða lýsingu vegna fyrirhugaðra skipulagsbreytinga.

Nefndin vísar endanlegri afgreiðslu til bæjarstjórnar.

Lögð fram til kynningar niðurstaða Skipulagsstofnunar dags. 13. febrúar 2013 vegna ákvörðunar um matskyldu. Það er niðurstaða Skipulagsstofnunar að stækkun Norðfjarðarhafnar sé ekki líkleg til að hafa í för með sér umtalsverð umhverfisáhrif og skuli því ekki háð mati á umhverfisáhrifum.

Lagður fram tölvupóstur, dagsetttur 21. febrúar 2013, frá Rósu Valtingojer verkefnastjóra Sköpunarmiðstöðvarinnar svf. Þar fer hún fram á framlengingu á húsaleigusamningi um íbúðarhúsnæði að leynimel 11, 755 Stöðvarfirði. Óskar hún eftir því að sá samningur verði byggður á sömu kjörum og eldri samningur.

Nefndin hefur ekki heimild til að fella niður leigu umfram það sem samþykkt er í reglum um leiguíbúðir Fjarðabyggðar til íþróttafélaga og félagasamtaka. Nefndin vísar erindinu þar af leiðandi til bæjarráðs.

Lagt fram til kynningar bréf mannvirkjastjóra, dagsett 20. febrúar sl., til Ofanflóðasjóðs vegna næstu verkefna sjóðsins í Fjarðabyggð. Fyrir liggur að fara verður í frumathuganir næstu varna á Norðfirði og að hanna verður krapa- og aurflóðavarnir á Eskfirði.

Eigna-, skipulags- og umhverfisnefnd staðfestir afgreiðslur byggingarfulltrúa.