Fjölskyldunefnd

Fjölskyldunefnd samþykkir að félagmiðstöðvar í Fjarðabyggð haldi sameiginlega opnun einu sinni í mánuði í íþróttahúsinu á Reyðarfirði. Markmið verkefnisins er að efla félagsauð ungmenna, skapa sterkari tengsl milli byggðakjarna og bjóða upp á fjölbreytta og skemmtilega dagskrá. Til að tryggja aðgengi allra ungmenna óháð búsetu er gert ráð fyrir rútuferðum og kílómetragjaldi fyrir foreldra frá afskekktari stöðum. Verkefnið er lagt fram sem tilraunaverkefni til loka skólaárs 2025.

Ályktun Umhyggju félagi langveikra barna, Landssamtökunum Þroskahjálp, Einhverfusamtökunum,Sjónarhóli ráðgjafarmiðstöðog ÖBÍ réttindasamtökum vegna stöðu fatlaðra barna í verkfalli kynnt.

Lagt fram sem trúnaðarmál erindi vegna námskeiðastyrks fyrir börn með ADHD greiningu. Fjölskyldunefnd felur sviðstjóra að hafa samband við bréfritara. Einnig er sviðstjóra falið að kanna hvaða valmöguleikar eru til námskeiðahalds innan sveitarfélagsins.

Fjölskyldunefnd samþykkir drög að reglum um leikskólaþjónustu Fjarðabyggðar og vísar reglunum til bæjarráðs.
Fulltrúi Fjarðalistans situr hjá við afgreiðslu málsins

Fjölskyldunefnd heimsótti búsetukjarna fyrir fatlað fólk á Reyðarfirði.

Verklagsreglur skóladagatala og skóladagatöl 2025-2026 og hlutverk fjölskyldunefndar kynnt. Aðlaga þarf reglurnar í samræmi við það verklag sem tíðkast í dag. Sviðstjóra falið að endurskoða verklagsreglurnar með skólastjórnendum.