Fjölskyldunefnd

Launaáætlun fjölskyldusviðs fyrir árið 2026 kynnt fyrir fjölskyldunefnd. Vísað til bæjarráðs.

Stjórnandi fræðslumála og skólaþjónustu fer yfir stöðuna í starfsemi leikskóla Breiðdals- og Stöðvarfjarðarskóla. Fjölskyldunefnd felur stjórnenda fræðslumála og skólaþjónustu í samvinnu við
stjórnendur Breiðdals og Stöðvarfjarðarskóla að vinna framtíðarsýn fyrir nýtingu skólahúsnæðis og lóðar á Breiðdalsvík í þágu allrar starfsemi í húsinu. Samráð verði við skólasamfélagið í þeirri vinnu. Fjölskyldunefnd vísar tillögum í minnisblaði til framkvæmdasviðs til úrlausnar eins fljótt og mögulegt er.

Stjórnandi fræðslumála og skólaþjónustu leggur fram beiðni um fjárheimild til endurnýjunar á 22 tölvum sem uppfylla ekki öryggisviðmið. Fjölskyldunefnd samþykkir fyrir sitt leiti og vísar til bæjarráðs.

Stjórnandi fræðslumála og skólaþjónustu kynnir viðbrögð við manneklu á leikskóladeildinni á Stöðvarfirði, í Breiðdals og Stöðvarfjarðarskóla. Fjölskyldunefnd samþykkir tillögur stjórnanda fræðslumála og skólaþjónustu um viðbrögð við manneklu á leikskóladeildinni á Stöðvarfirði, í Breiðdals og Stöðvarfjarðarskóla.

Fyrir hönd undirbúningshóps fyrir stofnun farsældarráðs Austurlands leggur stjórnandi fræðslumála og skólaþjónustu fram drög að Samstarfssamningi um svæðisbundið farsældarráð á Austurlandi til umsagnar.Fjölskyldunefnd felur stjórnanda fræðslumála og skólaþjónustu að skrifa umsögn og leggja fyrir næsta fund.

Fundagerð öldungaráðs nr. 18 lögð fram til kynningar.