Fræðslunefnd

Farið var yfir áætlanir um rekstur fræðslustofnana 2015 og leitað leiða til að aðlaga þær að fjárheimildum. Töluverður munur er á fjárþörf og fjárhagsramma og munar þar mestu um aukinn launakostnað vegna nýrra kjarasamninga. Þá fjölgar nemendum í leik- og grunnskólum sem kallar á fleiri stöðugildi í skólum. Einnig er þörf á að bæta tölvutengingar í leikskólum og endurnýja tölvur í grunn-, leik- og tónlistarskólum. Rætt var um breytingar á úthlutunarreglum til grunnskóla sem m.a. tengjast breyttum starfsháttum skóla, hagkæmari stærð námshópa og skipulagi á sér- og stuðningskennslu. Nefndin telur óraunhæft að ná þeirri hagræðingu sem fjárhagsramminn kallar á án róttækrar breytinga á þeirri þjónustu sem veitt er og óskar eftir að bæjarráð endurskoði rammann. Nefndin felur fræðslustjóra að vinna að nýjum úthlutunarreglum út frá leiðbeiningum nefndarinnar og leggja drög að reglum fyrir næsta fund.

Farið var yfir drög að starfsáætlun í fræðslumálum fyrir árið 2015.

Farið var yfir samanburð á gjaldskrám Fjarðabyggðar í fræðslumálum og nokkurra annarra sveitarfélaga. Fræðslunefnd frestar frekari umræðu um gjaldskrár til næsta fundar.