Hafnarstjórn

Fundargerð stjórnar Cruise Iceland dags. 21. febrúar 2013. Þennan lið fundarins sat Björn Ingi Knútsson og gerði grein fyrir ferð sinni á sölusýninguna í Miami nú í mars. Kynnt.

Framkvæmdastjóri gerði grein fyrir verðkönnun vegna kaupa á efni í löndunarbryggju. Hafnarstjórn samþykkti að ganga til samninga við lægstbjóðanda. Óskar yfirgaf fundinn í lok þessa liðar.

Erindi frá framkvæmdasviði Fjarðabyggðar þar sem óskað er eftir umsögn hafnarstjórnar Fjarðabyggðar vegna skipulagslýsingar vegna fyrirhugaðra breytinga á aðalskipulagi Stöðvarfjarðar. Umsögn þarf að skila fyrir 22. mars 2013. Hafnarstjórn samþykkir lýsinguna fyrir sitt leiti.

Fyrir fundinum lágu ný drög að umhvefisfrágangi á hafnarsvæðinu á Stöðvarfirði. Hafnarstjórn gerði tillögu að nokkrum breytingum og vísar tillögunni til umsagnar í eigna- skipulags- og umhverfisnefnd og kynningar í atvinnu- og menninganefnd.

Umfjöllun um Safnahúsið á Norðfirði og hugmyndir um rekstur í því. Atvinnu- og menninganefnd vísaði málinu til kynningar í hafnarstjórn. Bæjarstjóri mætti á fundinn og fór yfir málið. Hafnarstjórn fer fram á að fram fari vönduð og fagleg umræða og rökstuðningur fyrir því að taka eigi inn aðra starfsemí en safnastarfsemi í Safnahúsið og jafnframt óskar hafnarstjórn eftir samstarfi um málið.