Hafnarstjórn

Fundargerð stjórnar Hafnarsambands Íslands nr. 355 dags. 14. mars 2013. Til kynningar

Ráðstefna á vegum Reykjavíkurhafnar sem ber heitið "The North Atlantic Cruise Symposium 2013"
Haldin í Reykjavík dagana 9 og 10 maí nk. Framkvæmdastjóra falið að sitja ráðstefnuna og aðalfund Cruise Iceland.

Kynnt niðurstaða um útkomu námskeiðs fyrir leiðsögumenn sem Austurbrú hélt nú í febrúar og mars.
Kynnt.

Umsókn um starf skipstjóra á dráttarbátinn Vött. Framkvæmdastjóri gerði grein fyrir málinu en tvær umsóknir bárust í starfið. Framkvæmdastjóra falið að ganga frá ráðningu í starfið.

Umræður um gjaldskrármál. Breytingar á gjaldskrá varðandi vörugjöld af innanlandsflutningum samþykktar.

Umfjöllun um stækkun Norðfjarðarhafnar, en fyrirhugað er að fyrsti hluti verði boðinn út næstu helgi. Einnig greint frá kynningarfundi á Norðfirði sem haldinn verður miðvikudaginn 10. apríl nk. þar sem fari verður yfir áhrif framkvæmdanna á umferð báta og skipa um höfnina. Hafnarstjórn samþykkir fyrirliggjandi áætlun.

Rætt um olíuafgreiðslu fyrir smábáta á Norðfirði, en Olís mun verða með afgreiðslu fyrir smábáta á sama stað og N1 er í dag. Kynnt.

Fundargerð dags. 4. apríl 2013 frá opnun tilboða í framkvæmdir við þekju á Eskifirði. Hafnarstjórn leggur til að gengið verði til samninga við lægst bjóðanda að uppfylltum skilyrðum útboðsins.