Hafnarstjórn

Farið yfir þátttöku Fjarðabyggðar í Nora verkefni með Stavanger og fleiri aðilum. Þennan fyrsta lið fundarins sat Gunnar Jónsson bæjarritari.
Gunnar gerði grein fyrir fundi sem hann ásamt bæjarstjóra sátu með Harald Finnvik vegna verkefnisins.
Bæjarráð samþykkir þátttöku í verkefninu. Vísað til hafnarstjórnar til umræðu.
Hafnarstjórn fagnar aðkomu Fjarðabyggðar í verkefninu og samþykkir þátttökuna fyrir sitt leiti.
Gunnar yfirgaf síðan fundinn.

Umsókn frá Thorship dags. 6. ágúst 2013 þar sem óskað er eftir undanþágur frá lóðsskyldu fyrir Dmytro Antoshchenko skipstjóra á Mv. Margarethu að og frá Mjóeyrarhöfn. Hafnarstjórn staðfestir undaþágu frá hafnsöguskyldu fyrir Dmytro Antoshchenko skipstjóra á Mv. Margarethu.

Drög að umsögn hafnarstjórnar vegna umsóknar um hafnsögumannsskírteinis fyrir Árna Bergþór Kjartansson starfsmann Fjarðabyggðarhafna. Hafnarstjórn samþykkti drögin.

Drög að verksamningi lögð fram um byggingu löndunarbryggju fyrir smábáta á Norðfirði. Samningurinn er við Guðmund Guðlaugsson, bryggjusmið og er upp á 29,5 milljónir kr. með verklokum 15. apríl 2014. Hafnarstjórn samþykkir samninginn og vísar honum til staðfestingar í bæjarráði.

Með bréfi dags. 23. ágúst 2013 sækir Mannvit um leyfi fyrir hönd Eskju til að gera plan undir löndunarbúnað á löndunarbryggjunni á Eskifirði. Hafnarstjórn fagnar framtaki Eskju og samþykkir framkvæmdina fyrir sitt leiti og vísar málinu til kynningar hjá byggingarfulltrúa.

Undirbúningur fjárhagsáætunarvinnu hafnarsjóðs fyrir árið 2014 ásamt langtímaáætlun.