Hafnarstjórn

Hugmynd um útfærslu á rekstri Safnahússins í Neskaupstað sumarið 2014. Vísað er til afnota-og umráðasamnings um Safnahúsið, Egilsbraut 2 í Neskaupstað gr. 12.2. Fyrir liggur beiðni Safnaráðs hússins um að útvíkka starfsemina í húsinu skv. meðfylgjandi drögum að Samningskaupalýsingu. Ásta Kristín Sigurjónsdóttir, formaður atvinnu-og menningarnefndar og fulltrúi í safnaráði gerði grein fyrir málinu. Hafnarstjórn samþykkir fyrir sitt leyti að heimila safnaráði að bjóða reksturinn út m.v. fyrirliggjandi samningskaupalýsingu. Ástu var þökkuð koman og yfirgaf hún síðan fundinn.

Fundargerð stjórnar Hafnasambands Íslands nr. 362 dags. 17. janúar 2014. Kynnt.

Fundargerð stjórnar Cruise Iceland frá 24. janúar 2014. Til kynningar.

Tilkynning um aðalfund Cruise Iceland sem haldinn verður á Ísafirði 23. maí 2014. Framkvæmdastjóri verður fulltrúi Fjarðabyggðarhafna á aðalfundinum.

Umfjöllun um endurnýjun á vef Fjarðabyggðarhafna og vefsmíði ferðaþjónustuvefs. Fyrir fundinum lá minnisblað vegna málsins frá markaðs og upplýsingafulltrúa. Hafnarstjórn samþykkir að fara í endurnýjun á vef Fjarðabyggðarhafna á grundvelli minnisblaðs.

Umsókn frá Thorskip dags. 6. febrúar 2014 þar sem óskað er eftir undanþágu frá lóðsskyldu fyrir Grzegorz Kowalewski skipstjóra á M/V Jan að og frá Mjóeyrarhöfn. Hafnarstjórn staðfestir undanþágu frá hafnsögu fyrir Grzegorz Kowalewski skipstjóra á M/V Jan.

Fram lagt bréf Sambands íslenskra sveitarfélaga um tilnefndingu fulltrúa í fagráð um hafnarmál. Óskað er eftir tilnefningu aðal-og varamanns í ráðið, karls og konu.
Bæjarráð tilnefnir Pál Björgvin Guðmundsson og Eydísi Ásbjörnsdóttur í fagráð um hafnarmál. Vísað til kynningar í hafnarstjórn. Hafnarstjórn lýsir furðu sinni á að fagnefnd um málefnið skuli ekki vera fengin til að velja einstaklinga/sérfræðinga í fagráð um hafnarmál. Hafnarstjórn furðar sig á vinnubrögðum bæjarráðs.

Ný útgáfa af staðarvalsskýrslu vegna hafnsækinnar starfsemi kynnt.

Erindi frá Eimskip Ísland ehf dags. 16. janúar 2014, þar sem skorað er að Fjarðabyggðarhafnir að draga til baka þær verðhækkanir á gjaldskrá sem tóku gildi þann 1. janúar sl.
Hafnarstjórn hafnar erindinu og felur framkvæmdastjóra að svara Eimskip í samræmi við umræðu á fundinum.

Farið yfir fyrirhugaða framkvæmd við endurnýjun þekju í Mjóafirði. Framkvæmdastjóri gerði grein fyrir málinu. Hafnarstjórn felur framkvæmdastjóra að setja framkvæmdina af stað.

Minnisblað framkvæmdastjóra vegna Sæbergsbryggju á Eskifirði kynnt ásamt mati bryggjusmiðs á bryggjunni. Hafnarstjórn vísar málinu til umfjöllunar við vinnu fjárhagsáætlunar 2015.

Rætt um málefni Mjóeyrarhafnar og skilning aðila hvað varðar forgang og fleira. Kynnt.

Framkvæmdastjóri gerið grein fyrir stöðu mála, en verktaki er langt kominn með verkið og reiknar með að ljúka því í febrúar, en verklok voru áætluð 15. apríl í verksamningi.
Hafnarstjórn felur framkvæmdastjóra að láta útbúa gögn vegna kants og þekju að baki löndunarkantinum og láta vinna verkið.

Framkvæmdastjóri gerði grein fyrir því að skolað hafi undna landvegg Netagerðarbryggju á Norðfirði og reikna megi með að nokkur kostnaður sé í að gera við bryggjuna. Hafnarstjórn felur framkvæmdastjóra að fá tillögu að viðgerð á bryggjunni.