Hafnarstjórn

Fyrstu drög tillögu að deiliskipulagi miðbæjar á Norðfirði var lagt fram til umfjöllunar á fundi ESU þann 24. febrúar 2014.
ESU líst vel á framkomna tillögu og vísar henni til umsagnar hafnarstjórnar.
Hafnarstjórn fól framkvæmdastjóra að koma umræddum athugasemdum á framfæri.

Erindi frá skipulagsfulltrúa Fjarðabyggðar dags. 24. febrúar 2014 þar sem óskað er umsagnar á skipulags- og matslýsingar vegna breytingar á Aðalskipulagi Fjarðabyggðar 2007 - 2027, Eyri í Reyðarfirði, hafnar og iðnaðarstarfsemi. Hafnarstjórn samþykkir skipulags og matslýsingu fyrir Eyri í Reyðarfirði með fjórum atkvæðum en Guðrún Óladóttir sat hjá.

Framkvæmdastjóri gerði grein fyrir fundi sem hann ásamt bæjarstjóra áttu með framkvæmdastjóra Síldarvinnslunnar þar sem farið var yfir ýmis hafnarmál. Framkvæmdastjóra falið að skoða möguleika á meiri viðlegu. Málið kynnt.

Framkvæmdastjóri gerði grein fyrir stöðu mála varðandi kynningamál vegna þjónustu við oliuleit. Kynnt.

Boð á aðalfund Cruise Europe haldinn í Riga í Lettlandi 6. til 8. maí 2014. Hafnarstjórn samþykkir að senda fulltrúa á aðalfundinn.