Hafnarstjórn

Í framhaldi af umræðu um kaup á landi fyrir hafnsækna starfsemi. Fyrir fundinum lá minnisblað merkt trúnaðarmál. Hafnarstjórn samþykkir tillögu í minnisblaðinu. Bæjarstjóri yfirgaf fundinn.

Fundargerð stjórnar hafnarsambands Íslands nr. 364 dags. 28. mars 2014. Kynnt.

Fundargerð stjórnar Cruise Iceland frá 1. april 2014 ásamt greinargerð frá sölusýningu á Miami í mars sl.
kynnt.

Fundargerð dags. 2. april 2014 frá opnun verðkönnunar í endurnýjun þekju á Mjóafirði. Fjórir aðila fengu send gögn. Tilboð barst frá einum, Launafli og var það að upphæð 17.939.760 kr. eða 173,4% af kostnaðaráætlun sem var 10.343.600 kr.
Hafnarstjórn staðfestir höfnun verðtilboðsins og samþykkir að verkið verði boðið út.

Erindi frá Skeljungi hf. dags. 8.maí 2014 þar sem óskað er eftir að fá að setja upp olíudælu fyrir smábáta á Stöðvarfirði. Hafnarstjórn samþykkir beiðnina og felur framkvæmdastjóra hafnanna að ræða við Skeljung um staðsetningu og útfærslu.

Í framahaldi af fundi hafnarstjórnar 11. febrúar sl. hafa verið útbúin gögn vegna stoðveggs að baki löndunarbryggju. Farið var yfir málið.
Hafnarstjórn felur framkvæmdastjóra að leita verða í verkið.

Fyrirspurn frá verktaka varðandi malbik sem fyrir er við smábátahöfnina.
Hafnarstjórn samþykkti að láta yfirleggja núverandi malbik.

Fundargerð dags. 23. april 2014 frá opnun verðkönnunar í smíði vigtarhúss á Stöðvarfjörð og upplýsingahúss vegna koma skemmtiferðaskipa á Eskifjörð. Þrjú verðtilboð bárust í verkið, frá Húsið þitt, Launafli og Trévangi, en Trévangur sendi einnig inn frávikstilboð. Auk þess barst boð um kaup á tilbúnu húsi frá Nestak, en þar sem ekki var skilað inn aðaltilboði er boðið ekki hluti af þessari opnun. Lægsta verðboð átti Húsið þitt upp á 10.793.756 kr. eða 96,2% af kostnaðaráætlun sem var upp á 11.225.150 kr. Hafnarstjórn samþykkti að ganga til samninga við lægstbjóðanda.

Erindi frá Slysavarnardeildinni Ársól dags. 9. maí 2014 þar sem óskað er eftir að fá að bæta við kassa fyrir björgunarvesti á bryggju neðan við Launafl á Reyðarfirði, færa og laga núverandi kassa á L-inu og setja ný björgunarvesti á bryggjurnar. Einnig er óskað eftir styrk frá hafnarsjóði til verksins og leyfi fyrir bryggjusprelli þar sem kassarnir yrðu kynntir.
Hafnarstjórn samþykkir að styrkja verkefni um 100.000 krónur. Uppsetning og staðsetning verði í samráði við starfsmenn hafnarinnar. Hafnarstjórn heimilar slysavarnardeildinni að halda umbeðna kynningu á hafnarsvæðinu.