Hafnarstjórn

Fundargerð stjórna Cruise Iceland dags. 22. október 2014 lögð fram til kynningar.

Athugun á áhuga á að gerast aðili að flutninga og hafnahóp sjávarklasans og formelgri inngöngu í Íslenska sjávarklasann. Málinu frestað.

Lagt fram minnisblað Mannvits frá 14.nóvember er varðar málefni Norðfjarðarflugvallar vegna hækkunar á vatnsborði leirunnar við völlinn. Til kynningar í eigna-, skipulags- og umhverfisnefnd og hafnarstjórn. Framkvæmdastjóra falið að fylgja málinu eftir.

Erindi frá Cruise Iceland dags. 14. nóvember 2014 þar sem verið er að spyrjast fyrir um þátttöku hafna á Seatrade Miami 2015. Fulltrúi hafnanna á sýningunni verður formaður Cruies Iceland. Kostnaður við þátttöku hverrar hafnar er 65.000 kr.
Hafnarstjórn samþykkir að taka þátt í Seatrade Miami 2015.

Framlagt bréf Skipulagsstofnunar vegna tillögu að matsáætlun vegna 13.000 tonna aukningar á eldi á laxi og regnbogasilungi í Berufirði og Fáskrúðsfirði. Stofnunin fellst á tillögu Fiskeldis Austfjarða hf. með viðbótum. Vísað til umfjöllunar í eigna-, skipulags- og umhverfisnefnd og hafnarstjórn.

Farið yfir málefni aðalskipulags Norðfjarðarhafnar og mögulegar breytingar á því. Hafnarstjórn samþykkir að beina því til bæjarráðs að hefja vinnu við breytingu aðal- og deiliskipulags fyrir Norðfjarðarhöfn.

Umfjöllun um fjárhagsáætlun hafnarsjóðs fyrir lokaafgreiðslu bæjarstjórnar á fjárhagsáætlunar fyrir árið 2015.
Fjallað um breytingar á gjaldskrá er lúta að stöðuleyfum gáma á geymslusvæðum og gjaldtöku vegna úrgangs frá skipum vegna lagabreytinga frá síðastliðnu vori.
Þá leggur hafnarstjórn til við bæjarráð að bætt verði í framkvæmdaáætlun 15 m.kr. í liðinn óráðstafað.

Umfjöllun um eignina að Strandgötu 7 á Reyðarfirði og staðfestingu á heimild til að hefja niðurrif á eigninni, en eignin var keypt til niðurrifs sumarið 2013.
Hafnarstjórn staðfestir heimild til að rífa húsið.