Hafnarstjórn

Stefnumörkun Sambands íslenskra sveitarfélaga 2014 - 2018 lögð fram til kynningar.

Erindi frá Neyðarlínunni ohf. dags. 25. nóvember 2014, þar sem Fjarðabyggðarhöfnum er boðið að gera samning um afnot af upplýsingum úr landstöðvum Vaktstöðvar siglinga.
Hafnarstjórn felur framkvæmdastjóra að ganga frá samningi um rétt til afnot af kerfinu.

Afgreiðsla gjaldskrár Fjarðabyggðarhafna fyrir 2015 vegna breytinga er varða stöðuleyfi fyrir gáma á geymslusvæðum og gjaldtöku vegna úrgangs frá skipum í framhaldi af lögum þar að lútandi frá síðastliðnu vori. Drög að gjaldskrá samþykkt. Vísað til staðfestingar bæjarráðs.

Athugun á áhuga á að gerast aðili að flutninga og hafnahóp sjávarklasans og formlegri inngöngu í Íslenska sjávarklasann. Málinu frestað á fundi hafnarstjónar 25. nóv 2014.
Farið var yfir málið að nýju. Hafnarstjórn sammála um að gerast ekki aðili að klasanum að svo komnu máli.

Umræða um húsnæðismál hafnarinnar. Framkvæmdastjóra falið að vinna málið áfram.

Pallur bílavogar á Norðfirði er orðinn mjög tærður og taka þarf ákvörðun um kaup á nýrri eða endrunýja pallinn á þeirri sem nú er til staðar. Fyrir fundinum lá minnisblað framkvæmdastjóra vegna málsins. Hafnarstjórn samþykkir að kaupa nýja bílvog.

Umræða um yfirborðsfrágang við smábátahöfnina á Norðfirði. Fyrir fundinum lá vinnuskjal framkvæmdastjóra í tengslum við málið.
Hafnarstjórn fór yfir vinnuskjal framkvæmdastjóra og fól honum að vinna málið áfram samkvæmt vinnuskjalinu.

Erindi frá Jóhannesi Helgasyni og Páli V. Sigurðssyni þar sem óskað er eftir styrk til útgáfu bókar um frumherja í útvarps/rafeindavirkjun. Hafnarstjórn hafnar erindinu.