Hafnarstjórn

Erindi frá Hafnasambandi Íslands þar sem ársreikningur sambandsins fyrir árið 2014 er lagður fram til kynningar og athugsemda. Kynnt.

Fundargerð stjórnar Cruies Iceland dags. 23. janúar 2015. Lögð fram til kynningar.

Bréf frá Olíudreifingu dags. 26. janúar 2015 þar sem greint frá niðurstöðum úttektar hjá fulltrúa Statoil á birgðastöðvum og hafnaraðstöðum á Norðfirði og Reyðarfirði. Framkvæmdastjóra falið að bregðast við athugasemdum sem fram koma í úttektinni.

Farið yfir stöðu mála varðandi skoðun á að gera smábátahafnir í Fjarðabyggð að Bláfánahöfnum. Fyrir fundinum lá minnisblað frá verkefnastjóra atvinnumála.
Hafnarstjórn ákvað á grundvelli minnisblaðs að stefna ekki að umsókn um bláfána að svo stöddu.

Erindi frá Dúa Landmark dags. 29. janúar 2015 þar sem óskað er eftir styrk frá Hafnarsjóð Fjarðabyggðar vegna gerðar heimildamyndar um vita á Íslandi.
Hafnarstjórn hafnar erindinu.

Farið yfir mál varðandi læk við smábátahöfn og minnisblöð frá Mannviti og siglingasviði Vegagerðarinnar sem liggja fyrir um málið. Samþykki liggur fyrir um framkvæmdina.
Kynnt

Erindi frá skipulags og byggingafulltrúa Fjarðabyggðar dags. 28. janúar 2015 þar sem óskað er umsagnar um skipulags og matslýsingu fyrir stækkun hafnarsvæðis á Norðfirði vegna fyrirhugaðra breytinga á Aðalskipulagi Fjarðabyggðar 2007 - 2027.
Hafnarstjórn gerir ekki athugasemd við skipulags- og matslýsinguna.

Framlagður tölvupóstur Greater Stavanger um framhald á NAPLN verkefninu og umsókn um styrkveitingar til þess frá norska Innanríkisráðuneytinu. Stavanger hefur samþykkt að vera leiðandi aðili sem pólitískt forystuafl. Forsendur verkefnisins eru í grunninn þær sömu en hafa verið víkkaðar þannig að þær ná til fleiri atvinnugreina. Þátttaka í verkefninu var áður samþykkt á síðasta ári. Bæjarráð samþykkir áframhaldandi þátttöku, fyrir sitt leyti, og vísar því til endanlegrar afgreiðslu í hafnarstjórn. Hafnarstjórn samþykkir að halda áfram þátttöku í verkefninu.