Hafnarstjórn

Fundargerð stjórnar Hafnasambands Íslands nr. 372 dags. 13. febrúar 2015. Lögð fram til kynningar ásamt tillögu að landskipulagsstefnu.

Ákvörðun Skipulagsstofnunar um tillögu að matsáætlun vegna 10.000 tonna viðbótarframleiðslu Laxa fiskeldis á laxi í Reyðarfirði. Skipulagsstofnun fellst á tillögu framkvæmdaraðila að matsáætlun með þeim viðbótum sem Laxar Fiskeldi setti fram og með athugasemdum Skipulagsstofnunar. Kærufrestur er til 17.mars 2015. Vísað til hafnarstjórnar frá bæjarráði 16. febrúar 2015. Bréfið kynnt.

Farið yfir málefni varðandi bryggjukrana á Mjóafirði. Framkvæmdastjóra falið að vinna málið áfram og finna krana sem leysir kranamál í Mjóafirði.

Fundargerð frá opnun tilboða í þekju og lagnir á Norðfirði dags. 17. febrúar 2015. Tvö tilboð bárust í verkið og átti Nestak lægst boðið upp á 38,6 millj.kr. eða 83,1% af kostnaðaráætlun sem var 46,4 millj.kr. Bjóðendum er þökkuð þátttakan í útboðinu. Hafnarstjórn samþykkti að ganga til samninga við lægstbjóðanda.

Kynnt vinna sem er í gangi vegna undirbúnings að breytingu á aðal- og deiliskipulagi vegna fyllingar við Norðfjarðarhöfn og útlit hennar.