Hafnarstjórn

Lögð fram til kynningar ársskýrsla frá aðalfundi Cruise Icelands sem haldinn var í Reykjavík 8. maí sl.

Erindi frá Olíuverlsun Íslands sem barst 19. maí 2015 þar sem óskað er eftir leyfi til að setja upp 9.600 lítra ofanjarðargeymi og afgreiðsludælu fyrir báta á Stöðvarfirði. Framkvæmdastjóra falið að ræða við svæðisstjóra Olís

Í samræmi við bókun við afgreiðslu fjárhagsáætlunar ársins 2015 var farið yfir stöðu mála það sem af er ári og horfurnar framundan. Framkvæmdastjóra falið að legga vinnuskjal vegna málsins til bæjarráðs. Trúnaðarmál.

Tekið til umfjöllunar staða grjótvarna í Fjarðabyggð. Fyrir fundinum liggur minnisblað frá umhverfisstjóra ásamt vinnulista til skoðunar á fundinum. Hafnarstjórn frestar málinu og tekur það til frekari umræðu á næsta fundi.

Lagðar fram tillögur að umhverfisfrágangi við smábátahöfnina á Norðfirði til yfirferðar. Nokkra athugasemdir gerðar sem komið verður á framfæri við hönnuð. Gert var ráð fyrir að vinna hluta af frágangi á svæðinu á fjárhagsárinu. Samþykkt var að klára malbikunarframkvæmdir, sá í svæðið og ganga frá festum ásamt rörum fyrir rafmagn.

Bréf frá Fjarðaneti dags. 21. maí 2015 þar sem sótt er um lóð á nýrri fyllingu austan fiskimjölsverksmiðjunnar Síldarvinnslunnar á Norðfirði. Erindið kynnt og því frestað en framkvæmdastjóra falið að vinna málið áfram.