Hafnarstjórn

Fundargerð stjórnar Cruise Iceland dags. 22. janúar 2016 lögð fram til kynningar

Fyrir hafnarstjórn lá fundargerð frá fundi um hafnarmál á Eskifirði þann 26. febrúar 2016.
Hafnarstjórn samþykkir að fela framkvæmdastjóra að skoða mögulega útfærslu á hafnaraðstöðu á Eskifirði.

Verkefnaáætlun vegna grjót- og flóðavarna á Eskifirði. Framkvæmdastjóri lagði fram minnisblað vegna málsins þar sem gert er ráð fyrir að þeir kaflar sem teknir verða fyrir í þessum áfanga vinnist á árinu 2016 og 2017.
Hafnarstjórn samþykkir að hefja vinnu skv. því sem lagt er til í minnisblaðinu.

Umræða um viðgerð á netagerðarbryggjunni á Norðfirði. Siglingasvið Vegagerðarinnar hefur unnið tillögu að viðgerð á bryggjunni.
Hafnarstjórn samþykkir að farið verði í verðkönnun og viðgerð á bryggjunni.

Erindi dags. 10. mars 2016 frá aðstandendum bæjarhátíðar á Stöðvarfirði. Þar sem óskað er eftir styrk til að halda bæjarhátíðina í sumar, en Stöð í Stöð var síðast haldin 2006.
Hafnarstjórn frestar málinu til næsta fundar.

Erindi frá Umhverfisstofnun dags. 31. ágúst 2015 þar sem bent er á að höfnum beri að skila inn viðbragðsáætlun vegna bráðamengunar. Fyrir fundinum liggja drög að viðbragðsáætun fyrir Fjarðabyggðarhafnir og samþykkir hafnarstjórn drögin og vísar til staðfestingar bæjarráðs.