Landbúnaðarnefnd

Ályktun Sambands ungra bænda um varðveislu landbúnaðarlands kynnt. Landbúnaðarnefnd fagnar ályktunni og leggur til að í farið verði í frekari flokkun á landbúnaðarlandi í Fjarðabyggð, á landi til skógræktar, jarðræktar og beitarlands.

Lagt fram minnisblað umhverfisfulltrúa, dagsett 10. febrúar 2015, um þörf þess að kortleggja beitarsvæði í landi Fjarðabyggðar. Landbúnaðarnefnd telur mikilvægt að kortleggja beitarsvæði í landi Fjarðabyggðar og gera þurfi reglur vegna girðinga, gjaldtöku og fyrirkomulag umsókna og úthlutunar beitarsvæða.
Nefndin vísar málinu aftur til umhverfisfulltrúa til frekari vinnslu og leggur áherslu á að þessari vinnu verið lokið fyrir 20. apríl 2015.

Lögð fram tillaga umhverfisfulltrúa að fyrirkomulagi refa- og minkaveiða 2015. Landbúnaðarnefnd samþykkir tillöguna að öllu leiti nema að verðulaun til ráðinna refaveiðimanna verið 14.000 kr. á dýr.

Lagt fram til kynningar samantekt umhverfisfulltrúa vegna refa- og minkaveiða, á veiðitímabilinu 2013-2014.

Lagt fram bréf Viðars Þórissonar dagsett 24. september 2014 um ósk um beitiland í landi Hvalnesar Stöðvarfirði. Landbúnaðarnefnd frestar afgreiðslu málsins þar til reglur um úthlutun beitarsvæða fyrir Fjarðabyggð liggja fyrir.

Lögð fram ósk Gunnars Guðmundssonar um beitiland til frambúðar í Fáskrúðsfirði eða nágrenni. Landbúnaðarnefnd frestar afgreiðslu málsins þar til reglur um úthlutun beitarsvæða fyrir Fjarðabyggð liggja fyrir.

Lagt fram bréf Guðgeirs Einarssonar dagsett 13. febrúar 2015. Þar sem óskað er eftir svæði til haustbeitar og túns til sláttar í Reyðarfirði. Landbúnaðarnefnd frestar afgreiðslu málsins þar til reglur um úthlutun beitarsvæða fyrir Fjarðabyggð liggja fyrir.