Skipulags- og framkvæmdanefnd

Kynning á stöðu hönnunar við ofanflóðavarnir í Grjótá. Áætlað er að hefðbundinn kynningarfundur fyrir íbúa fari fram í febrúar og jafnframt kynning fyrir bæjarstjórn.

Umsókn um breytingu á byggingarreit við Daltún 7. Skipulags- og framkvæmdanefnd tekur jákvætt í erindið og felur skipulags- og byggingarfulltrúa að fá nánari útfærslur hjá umsækjanda og leggja fyrir nefndina að nýju.

Gunnar Jónsson bæjarritari sat þennan lið.

Óveruleg breyting á deiliskipulagi Kirkjubólseyrar, Norðfirði. Lögð fram tillaga skipulags- og byggingarfulltrúa að óverulegri breytingu á deiliskipulagi Kirkjubólseyrar. Nefndin er samþykk tillögunni og felur skipulags- og byggingarfulltrúa nánari útfærslu og leggja fyrir nefndina að nýju á næsta fundi.

Móbakki Neskaupstað. Kostnaðar mismunur við gerð vinnuvegar eða varanlegrar götu samkvæmt deiliskipulagi. Skipulags- og framkvæmdanefnd er sammála tillögu sviðsstjóra og felur honum að vinna málið áfram.

Erindi frá Sköpunarmiðstöðinni vegna lóðarinnar Bólsvarar 8. Skipulags- og framkvæmdarnefnd felur skipulags- og byggingarfulltrúa að fá nánari útfærslur og leggja fyrir nefndina að nýju.

Sótt um byggingarleyfi fyrir 10m2 viðbyggingu að Stekkjargrund 11, Reyðarfirði. Skipulags- og framkvæmdanefnd samþykkir útgáfu byggingarleyfis og felur skipulags- og byggingarfulltrúa að gefa út bygginarheimild þegar öll göng liggja fyrir.

Mál tekið fyrir að nýju er varðar umsókn um Hjallaleiru 2 og 4 á Reyðarfirði. Nefndir felur skipulags- og byggingarfulltrúa að afla frekari upplýsinga áður en málið verður tekið fyrir að nýju.

Erindi frá NTÍ sem skylt er að vátryggja. Skipulags- og framkvæmdanefnd felur sviðsstjóra að vinna svar til NTÍ og senda fyrir 1.mars.