Skipulags- og framkvæmdanefnd

Umsókn um lóð Hjallaleira 5 og 7 Reyðarfirði. Skipulags- og framkvæmdanefnd samþykkir fyrir sitt leyti úthlutun lóðar með fyrirvara um óverulega breytingu á deiliskipulagi og vísar erindinu í bæjarráð.

Niðurstaða grenndarkynningar. Umsókn um byggingarheimild vegna viðbyggingar sólskála vestan megin á íbúðarhúsið Borg Mjóafirði. Skipulags- og framkvæmdanefnd felur byggingarfulltrúa að gefa út byggingarleyfi þegar tilskyldum gögnum hefur verið skilað og vísar niðurstöðu grenndarkynningar til endanlegrar afgreiðslu í bæjarstjórn.

Lagt fram til umræðu minnisblað stjórnanda byggingar-, skipulags- og umhverfisdeildar: Umsagnir og minnisblað við lok auglýsingar. Skipulags- og framkvæmdanefnd felur skipulagsfulltrúa að gera drög að svörum við athugasemdum í samræmi við umræður á fundinum og leggja fyrir fund að nýju.

Framkvæmdaleyfi vegna stoðvirkja Norðfirði. Skipulags- og framkvæmdanefnd samþykkir fyrirhugaðar framkvæmdir og felur skipulagsfulltrúa að gefa út framkvæmdaleyfi þegar öllum tilskyldum gögnum hefur verið skilað.

Framkvæmdaleyfi stúka við fótboltavöll Norðfirði. Skipulags- og framkvæmdanefnd samþykkir fyrirhugaðar framkvæmdir með fyrirvara um deiliskipulagsbreytingu á miðbæ Neskaupstaðar og felur skipulagsfulltrúa að gefa út framkvæmdaleyfi þegar öllum tilskyldum gögnum hefur verið skilað.

Gámur við Gilsbakka 7 er ranglega staðsettur samkvæmd afgreiðslu skipulags- og framkvæmdanefndar en málið var tekið fyrir á 22. fundi þann 20.11.2024 og 28. fundi þann 18.3.2025. Skipulags- og framkvæmdanefnd hafnaði umsókn um að klæða gáminn og nota sem smáhýsi á þeim forsendum að gámar eru ekki leyfðir í íbúðarbyggð, klæddir eða ekki. Einnig liggur fyrir að einingin rúmast ekki innan svæðisins án þess að brjóta í bága við byggingarreglugerð. Nefndin vísaði umsækjanda á skipulagt gámasvæði í Neskaupstað.

Stjórnandi byggingar-, skipulags- og umhverfisdeildar hefur verið í samskiptum við eigendur vegna þess. Nefndin felur stjórnanda byggingar-, skipulags- og umhverfisdeildar að setja sig í samband við eigenda gámsins og tilkynna honum að dagsektir, 20.000 kr á dag verði lagðar frá 16. maí.2025 verði ekki búið að fjarlægja eininguna. Nefndin vísar í lögfræðiálit í minnisblaði smáhýsi gámur - apríl 2025.

Styrktarsjóður EBÍ 2025. Skipulags- og framkvæmdanefnd felur sviðstjóra að koma með tillögur að verkefni.

Loftslags- og orkusjóður auglýsir 1 milljarð í styrki til nýtingar og leitar á jarðhita.

https://uos.is/frettir/jardhiti-jafnar-leikinn?fbclid=IwY2xjawJPhyhleHRuA2FlbQIxMAABHSRdHxwhT3frWi5IQWuGal_LtEMXe4fH3qhRAXhgP5BUvj4uLORAPc5iiw_aem__yM1by721H3iW5VReRHs2Q

Skipulags- og framkvæmdanefnd felur sviðstjóra að vinna áfram að tillögum að umsókn í sjóðinn og leggja fyrir næsta fund.

Sólvellir 10b - sala. Skipulags- og framkvæmdanefnd samþykkir framlagða tillögu fasteigna- og framkvæmdafulltrúa um sölu á íbúð að Sólvöllum 10b.

Fundargerð 184. fundar heilbrigðisnefndar Austurlands lögð fram til kynningar. Skipulags- og framkvæmdanefnd þökkum kynninguna.

Umsókn um lóð fyrir flugskýli á Norðfirði. Skipulags- og framkvæmdnefnd samþykkir lóðarúthlutun fyrir sitt leyti og óskar eftir uppdrætti vegna breytingar á deiliskipulagi Naust 1.

Umsókn um framkvæmdaleyfi fyrir hreinsistöð á Breiðdalsvík. Skipulags- og framkvæmdanefnd felur skipulagsfulltrúa að gefa út framkvæmdaleyfi þegar öllum tilskyldum gögnum hefur verið skilað.

Niðurstaða grenndarkynningar vegna óverulegrar breytingar á deiliskipulagi miðbæjar neskaupstaðar vegna stúku við knattspyrnuvöll. Eigendur að Mýrargötu 2 gera ekki athugasemd við fyrirhugaða breytingu. Skipulags- og framkvæmdanefnd samþykkir fyrir sitt leyti óverulega breytingu á deiliskipulagi og vísar erindunu til endanlegrar afgreiðslu í bæjarstjórn.

Umsókn um lóð að Sómastöðum 4-spennistöð, Reyðarfirði. Skipulags- og framkvæmdanefnd samþykktir lóðarúthlutun fyrir sitt leyti og vísar erindinu í bæjarráð.