Skipulags- og framkvæmdanefnd

Göngu- og hjólastígur frá Sómastöðum að afleggjara austan við álver. Farið var yfir uppfærð gögn og öryggisrýni Vegagerðarinnar. Skipulags- og framkvæmdanefnd felur skipulagsfulltrúa að gefa út framkvæmdaleyfi þegar öllum tilskyldum gögnum hefur verið skilað.

Vísað frá bæjarráði til skipulags- og framkvæmdanefndar auglýsing Framkvæmdasjóðs ferðamannastaða þar sem auglýst er eftir styrkjum til uppbyggingar ferðastaða. Skipulags- og framkvæmdanefnd felur sviðsstjóra skipulags- og framkvæmdasviðs og stjórnanda byggingar-, skipulags- og umhverfisdeildar er falið að vinna að umsóknum í sjóðinn vegna framkvæmda á árinu 2026.

Lögð fram í einu skjali lýsing fyrir breytingu á aðalskipulagi, lýsing fyrir breytingu á deiliskipulagi og tillaga um breytingu á aðalskipulagi á vinnslustigi vegna íbúðarbyggðar við Búðareyri. Notkun reits VÞ-300 breytt í íbúðarbyggð og þrjú lítil fjölbýlishús fyrirhuguð á reitnum. Skipulags- og framkvæmdanefnd samþykkir lýsingu fyrir breytingu á deiliskipulagi og tillögu um breytingu á aðalskipulagi á vinnslustigi vegna íbúðarbyggðar við Búðareyri og vísar erindinu til bæjarstjórnar.

Breyting á deiliskipulagi Miðbæjar Neskaupstaðar Hafnarbraut 21. Skipulags- og framkvæmdanefnd tekur vel í tillöguna og felur skipulagsfulltrúa að vinna málið áfram.

Rannsóknaráðstefna Vegagerðarinnar 2025. Skipulags- og framkvæmdanefnd mun skoða að senda fulltrúa á ráðstefnuna.

Framlögð drög fjárhagsáætlunar 2026 til afgreiðslu. Skipulags- og framkvæmdanefnd fór yfir fjárhagsáætlun og samþykkir framlögð drög fyrir sitt leiti með fyrirvara um lítilsháttar breytingar eftir umræður á fundinum. Fjárhagsáætlun málaflokksins vísað til bæjarráðs.