Stjórn menningarstofu

Sameiginlegur fundur stjórnar með stjórn Sjóminjasafns Austurlands. Benedikt Jóhannsson og Jens Garðar Helgason boðuðu forföll. Farið yfir starfsemi safnsins. Tekið fyrir að nýju á næsta fundi.

Framhaldið umfjöllun um framþróun og viðurkenningu minjasafna Fjarðabyggðar sem stuðlar að eflingu þeirra og faglegu starfi. Tekið upp á næsta stjórnarfundi og vísað í framhaldi til fjárhagsáætlunargerðar. Lögð fram drög að kostnaðaráætlun 2026 til 2030 við framkvæmdina.
Kynning frá Guðbrandi Benediktssyni frestast til næsta fundar.

Framlögð drög að uppfærðum samningi við Íslandshótel um samstarf milli Menningarstofu Fjarðabyggðar og hótelsins um rekstur á safninu Frakkar á Íslandsmiðum.
Stjórnin samþykkir samninginn fyrir sitt leyti og vísar honum til staðfestingar bæjarráðs.

Stjórn fól forstöðumanni ásamt verkefnastjóra safna að móta tillögur að skipulagi sýningarhalds sem falli að áformum um uppbyggingu safnsins og leggja fyrir stjórn. Farið yfir drög að tillögum að hönnun, sýningarstjórn og uppsetningu á yfirfærslu grunnsýningar safnsins á fundinum. Tekið aftur fyrir á næsta fundi.

Framlögð tillaga um útilistaverk á sementstanka við Ægisgötu á Reyðarfirði og hugmyndir og kostnaðaráætlanir þriggja listamanna ásamt minnisblaði.
Stjórn lýst vel á hugmynd að verki á sementstanka sem felur forstöumanni að vinna að málinu ásamt verkefnastjóra. Tekið fyrir að nýju á næsta fundi stjórnar.

Vísað frá bæjarráði til kynningar samþykktri tillögu að skipulagi við vinnu fjárhagsáætlunar 2026 ásamt dagsetningum í ferlinu.
Tekið fyrir á næsta fundi stjórnarinnar.

Framlagt bréf Eignarhaldsfélags Brunabótafélags Íslands þar sem auglýst er eftir styrkumsóknum. Menningarstofu sækir um styrk til endurhönnunar sýningar í Stríðsárasafni.