Stjórn menningarstofu

Kynnt fyrir stjórn menningarstofu hönnun og aðaluppdrættir 1. áfanga endurbyggingar Íslenska stríðsárasafnsins á Reyðarfirði.
Stjórn samþykkir allar forsendur í hönnun og lokaútfærslur og aðaluppdrættir verða teknir fyrir á næsta fundi stjórnar til afgreiðslu. Jafnframt samþykkir stjórnin að fela fasteigna- og framkvæmdafulltrúa að sækja um leyfi vegna framkvæmdanna og fá tilboð í verkþætti framkvæmdanna með sviðstjóra skipulags- og framkvæmdasviðs.

Framlögð fyrstu drög fjárhagsáætlunar 2026. Jafnframt fjallað um samþykkt hafnarstjórnar um að Menningarstofu Fjarðabyggðar verði falið umhald þeirra styrkja sem hafnarstjórn hefur komið að hvað varðar menningarviðburði í heimabyggð í gegnum tíðina og fái til þess fjármagn frá hafnarsjóði árlega. Er stjórn Menningarstofu falið að útfæra þá styrki innan sinna úthlutunar til menningarmála en hafnarstjórn leggur áherslu á að þær hátíðir og viðburðir sem hún hefur styrkt njóti styrkja áfram.
Stjórn felur formanni og bæjarritara að útfæra viðbótarfjármagn í fjárhagsáætlun ársins 2026.
Jafnframt að vinna áfram að fjárhagsáætlunargerð og leggja fyrir stjórn á næsta fundi.

Vísað frá bæjarráði til stjórnar menningarstofu umsókn um styrki til menningarmála hljómsveitin Rown, Einari Erni fyrir hönd hljómsveitarinnar Rown Ósk til að halda Rown''s RockFest 29. nóvember nk.
Bæjarritara falið að ræða við forsvarsmenn hátíðarinnar og leggja fyrir stjórn að nýju.

Framlögð til kynningar áform hljómsveitar frá vinabæ Fjarðabyggðar í Danmörku, Esbjerg.

Stjórn fór yfir með fulltrúum bæjarhátíðanna Útsæðis á Eskifirði og Franskra daga á Fáskrúðsfirði framkvæmd og fyrirkomulag hátíðanna og samstarf sveitarfélagsins við þær.
Fulltrúar Neistaflugs í Neskaupstað og Stöð í Stöð á Stöðvarfirði koma síðar til fundar við stjórn.