Bæjarráð

Fjallað um umsóknir um stofnframlög til íbúðabygginga.
Bæjarráð samþykkir að fela bæjarstjóra að vinna umsóknir um stofnframlög til íbúðabygginga og skila inn umsóknum.

Framlagt til kynningar svar Ofanflóðasjóðs vegna frumathugunar á vörnum í Einarsstaðaá innri á Stöðvarfirði þar sem sjóðurinn samþykkir að vinna málið áfram.

Framlagt til kynningar svar Ofanflóðasjóðs vegna viðbótar við keilur í Nes- og Bakkagiljum. Verkið bætist við núverandi framkvæmdir.

Lögð fram niðurstaða könnunar um notkun á öryggishnöppum meðal íbúa í Breiðabliki, þjónustuíbúðum eldri borgara.
Bæjarráð samþykkir að hætt verði þjónustu á vegum sveitarfélagsins með útvegun á öryggishnöppum í Breiðablik í ljósi niðurstöðu könnunar. Sviðsstjóra fjölskyldusviðs falið að kynna nýtt fyrirkomulag.

Framlögð drög að viljayfirlýsingu vegna samstarfs um öldrunarmál í Fjarðabyggð til skoðunar.
Bæjarráð samþykkir að fela bæjarstjóra að vinna áfram að viljayfirlýsingunni og leggja fyrir bæjarráð að nýju.

Fjallað um frágang samskomulags um flutning húsnæðis hjúkrunarheimilanna frá Fjarðabyggð til Heilbrigðisstofnunar Austurlands.
Bæjarráð samþykkir að eignarhlutir sveitarfélagsins í hjúkrunarheimilum í Fjarðabyggð færist til ríkisins samkvæmt samkomulagi ríkisins og Sambands íslenskra sveitarfélaga þar um. Breytingum vísað til gerðar viðauka við fjárhagsáætlun ársins 2025.

Framlögð tillaga að breytingu á nefnaskipan Sjálfstæðisflokksins í skipulags- og framkvæmdanefnefn. Sigurjón Rúnarsson er tilnefndur sem varamaður í stað Barböru Kubelas.
Bæjarráð staðfestir skipun með vísun til umboðs sem bæjarstjórn hefur veitt til fullnaðarafgreiðslu.

Framlagður tölvupóstur frá Sambandi íslenskra sveitarfélaga um lögheimilisskráningar í frístundabyggð. Boðað er til vinnustofu 11. september nk.
Bæjarráð samþykkir að senda fulltrúa.

Fundargerð stjórnar Samtaka sjávarútvegssveitarfélaga nr. 90 lögð fram til kynningar