Bæjarráð

Farið yfir stöðu og fyrirkomulag úrgangsmála.
Bæjarráð samþykkir að úrgangsmál, hirðing og förgun, verði boðin út frá og með 1. janúar 2026 og felur sviðsstjóra skipulags- og framkvæmdasviðs að fylgja málinu eftir með Eflu verkfræðistofu og auglýsa útboðið.

Framlögð greinargerð um ágang fjár í landi Óseyrar á Stöðvarfirði.
Bæjarráð samþykkir að send verði áskorun á fjáreigendur sem eiga fjárvon í Stöðvarfirði um að þeir sæki fé það sem er í Stöðvarfirði.

Framlagður leigusamningur um skammtímavistun og starfsmannarými í nýja íbúakjarnanum að Búðareyri 10 á Reyðarfirði.
Bæjarráð samþykkir leigusamning og felur bæjarstjóra undirritun samnings.

Framlögð ábyrgðaryfirlýsing sveitarstjórnar vegna urðunarstaðar í Þernunesi. Óskað hefur verið eftir formlegri staðfestingu á ábyrgð sveitarfélagsins á urðunarstaðnum en hún var staðfest upphaflega í desember 2006.
Bæjarráð með umboði bæjarstjórnar staðfestir ábyrgðaryfirlýsingu vegna urðunarstaðarins að Þernunesi.

Vísað frá skipulags- og framkvæmdanefnd til afgreiðslu bæjarráðs tillögu að óverulegri breytingu á deiliskipulagi skv. 2. mgr. 43. gr. skipulagslaga nr. 123/2010 vegna stækkunar lóðar nr. 46c að Strandgötu á Eskifirði. Breytingin felur ekki í sér grenndaráhrif gagnvart nágrönnum.
Bæjarráð með umboði bæjarstjórnar samþykktir tillögu að óverulegri breytingu á deiliskipulagi Miðbæjar Eskifjarðar.

Vísað frá skipulags- og framkvæmdanefnd til afgreiðslu bæjarráðs skipulagslýsingu fyrir breytingu á Aðalskipulagi Fjarðabyggðar 2020-2040 og breytingu á deiliskipulagi iðnaðarsvæðis Nes 1 á Reyðarfirði, sbr. 30. og 40. gr. skipulagslaga nr. 123/2010. Breyting felur í sér stækkun lóða í eystri hluta skipulags og hnika til lóðarmörkum annarra lóða ásamt mön á austurjaðri svæðisins. Aðalskipulagsreitina AT-300 og I-300 er gert ráð fyrir að stækka um u.þ.b. 25 metra til austurs. Vegna áforma um breytta legu þjóðvegar fyrir botni Reyðarfjarðar er gert ráð fyrir breyttri vegtengingu svæðis við Ægisgötu.
Bæjarráð með umboði bæjarstjórnar samþykkir skipulagslýsingu fyrir sitt leyti og vísar henni til áframhaldandi vinnu nefndarinnar.

Vísað frá skipulags- og framkvæmdasviði til afgreiðslu bæjarráðs umsókn um lóðina Hlíðarbrekku 5 á Fáskrúðsfirði.
Bæjarráð samþykkir úthlutun lóðarinnar að Hlíðarbrekku 5 en felur bæjarstjóra að fara yfir hugsanlegar kvaðir áður en til úthlutunar kemur.

Vísað frá skipulags- og framkvæmdasviði til afgreiðslu bæjarráðs umsókn um lóðina Hlíðarbrekku 7 á Fáskrúðsfirði.
Bæjarráð samþykkir úthlutun lóðarinnar að Hlíðarbrekku 7 en felur bæjarstjóra að fara yfir hugsanlegar kvaðir áður en til úthlutunar kemur.

Fundargerð skipulags- og framkvæmdanefndar frá 16. júlí lögð fram til staðfestingar.
Bæjarráð í umboði bæjarstjórnar staðfestir fundargerð skipulags- og framkvæmdanefndar.