Bæjarráð

Framlögð drög að fjárhagsrömmum fyrir árið 2026 fyrir stofnanir og deildir Fjarðabyggðar.
Bæjarráð samþykkir rammana og vísar þeim til umfjöllunar og vinnslu fjárhagsáætlunar fyrir árið 2026 hjá nefndum sveitarfélagsins.

Framlögð beiðni Húsnæðis- og mannvirkjastofnunar um staðfestingu stofnframlaga vegna byggingu fimm íbúða.
Bæjarráð samþykkir að veita stofnframlög til fimm íbúða í gegnum Brák íbúðafélag.

Vísað frá fundi bæjarráðs málefnum skíðasvæðisins í Oddsskarði.
Bæjarráð samþykkir að farið verið í viðhald á toppmastri í Skíðasvæðinu í Oddsskarði.

Framkvæmdasviði falið umhald verksins, bæjarráð leggur áherslu á að aflað verði tilboða í verkið og því lokið sem fyrst á sem hagkvæmastan hátt í samræmi við það kostnaðarmat sem fyrir liggur.

Kostnaði við verkið verður vísað til viðaukagerðar við fjárhagsáætlun 2025.

Farið yfir málefni Sterks Stöðvarfjarðar með verkefnastjóra verkefnisins.

Farið yfir málefni Golfklúbbs Eskifjarðar.
Bæjarráð felur bæjarritara að svara erindi bréfritara.

Fjallað um málshöfðun eigenda Stuðla vegna landamerkja Móa, Seljateigshjáleigu, Seljateigs. Lögð fram til afgreiðslu dómsátt í málinu sem lögð verður fyrir Héraðsdóm Austurlands mánudaginn 1. september 2025.

Bæjarráð samþykkir tillögu að dómsátt og felur lögmanni sveitarfélagsins að ganga frá sáttinni fyrir hönd Fjarðabyggðar.

Framlagt bréf frá Ísarr Leví um hugmynd af hjólarömpum á Reyðarfirði.
Bæjarráð vísar erindi til ungmennaráðs og felur bæjarstjóra að ræða við bréfritara.

Farið yfir framvindu í viðræðum við Heilbrigðisstofnun Austurlands um viljayfirlýsingu um þjónustu við eldra fólk.

Bæjarráð samþykkir að hækka árlegt framlag til Píeta úr 700.000 kr. í 1.500.000 kr á árinu 2025. Bæjarráð er sammála um hækkunina og þakkar Píeta fyrir gott og þarft starf í Fjarðabyggð til að mæta sérstökum aðstæðum; jafnframt eru íbúar hvattir til að nýta þjónustu samtakanna ef þurfa þykir. Samstarf Fjarðabyggðar og Píeta hófst fyrr á þessu ári og hefur gefið góða raun og felur í sér fasta viðveru og reglubundna þjónustu í sveitarfélaginu.

Kostnaður vegna viðbótarinnar verður fjármögnuð af liðnum óráðstafað.

Fundargerð skipulags- og framkvæmdanefndar frá 27. ágúst lögð fram til umfjöllunar og afgreiðslu.